بێوار حسێن زێباری، هەولێر:
د وارێ ئابووری دا ئەگەر ئەم خاندنەکێ بو بکەین دێ بینن کو د هەر شەڕ و ئالۆزییەکێ دا پاشڤەبڕن و زڤڕینەک دێ هەبیت ل دۆر ئابوورێ وێ دەڤەرێ یان ناڤچەیێ.
ئەڤە ژی ئەگەرێ هندێ یە کو ئەو وەلاتێن پشکدار دبن د وی شەڕیدا یان ژی وان کاودانێن دهێن پێشییا وان ئەو ژی ئەگەرێن ئەرینی و نەڕێنی دێ هەبن ل سەر ئابوورا وان بخۆ.
دیسان ئەو وەلاتێن دەر دۆرێن وان ژی ئانکو دبێژین جیران و هەڤسنور بن دگەل ئێک دا کەواتە ئەڤ دەڤەرێن هەنێ بێ پشک نابن ژ وان ئەگەرانە و تووشی ڕوویدانێن ئابووری بن.
نموونە مە بەحسا شەڕێ نوکە یێ نوی و گەرمە، ئەو ژی ئسرائیل و ئیران، ئەڤ دوو دەولەتە تنێ کاریگەری نابیت ل سەر ئابوورێ وان، بەڵکو دێ بینین ئەڤ دوویە دناڤبەرا واندا چەندین وەلاتێن دیتر هەینە و دێ ئەگەرێن ئەرینی و نەرێنی یێن شەڕی کاریگەریا خۆ یا ڕاستە ڕاست ل سەر ڕەوشا ئابووریا وان هێـــــتە کرن.
لێرە دا ژی ئەگەر هاتوو ئەڤ شەڕە کا یێ دڕێژە یان ژی کورت بیت، ئەوا دێ ل گۆڕەیێ وی شەڕی کاریگەرییا خۆ هەبیت ل سەر هەبوونا بڕگە و ماددەیێن ئابووری.
ئەڤە گومان تێدا نینە کو ئسرائیل و ئیران، ژ قەبارێ ڤی شەری دێ زیانێن ئابووری هەبن و پاشڤە بڕن ژی دێ ل ڤان وەلاتان و یێن پشکدار بیت ژی کو ئەو بخو دێ کاریگەرییا خۆ ل سەر کەتن و دبیت زیانێن مەزن ژی بگەهنێ، ئەڤ پلان و بەڕنامێن هاتینە داڕێژتن دبیت نەهێنە بجئینان و کارێ وان ژی دێ بەرەڤ پاشڤە چوونێ چیت و ئەو پێگەهێ خۆ یێ سەقامگیر و بهێز ژی دەست ددەن ل جیهانێ و وان وەلاتێن پەیوەندی دگەل هەبیت هند گوهۆڕین ب سەر هێن.
ئایا دێ کاریگەری هەبیت ل سەر ئابووریا عیراقێ و کوردستانێ….؟
لێرەدا دوو تشت هەینە، ئەو ژی کو عیراق بخۆ دەولەتە و دکەڤیتە سەر وێ هێلا نوکە یا دهێتە بکارئینان بۆ ڤی شەڕی، بێگومان ئەو زیان و کاریگەری بێ ئەگەر ل سەر سەرێ ئیراقێ نابۆریت و ئەڤ چەندە دبیتە ئەگەر کو کاریگەریا خۆ هەبیت یا ئابووری بۆ ئیراقی، تایبەت ژ هەبوونا وان گرۆپین ب سەر ئیرانێ، دناڤا ئاخا واندا هەین، ئەگەر ئەو گڕۆپە پشکدار بن یان ژی پشکداریی نەکەن ژی لێ هەر زیان گەهیتی و بۆچی…؟
چونکە پشکدارییا وان دێ ژلایێ ئسرائیلێڤە زیان گەهیتە ئیراقێ و وەلاتێن دیتر ژی وەک ئەمریکا نموونە کو دێ سزایێن دیتر دانێتە سەر ئیراقێ و ئەگەر هاتوو پشکداری نەکر ژی کەواتە ئیران، دێ ل وی دەمیدا هەموو لایەکێ ڤە سزایێن ئابووری و یین دیتر ژی دانێتە سەر ئیراقێ.
ئەڤ ئەگەرێن هەنێ بۆ کوردستانێ ژی بێ هۆ نابن و دێ تووش بیت، بەلێ وەک کاریگەری دبیت ئیران، ئەگەر ڕەوشی زێدەتر تێک بچیت، کەواتە هەریمێ پێشتر ئەڤ چەندە کریە و مە ڕێین دیتر دهێنە بکارئینان بۆ هندێ کو زیان و کاریگەرییا ئابووری زێدەتر گڤاشتنێ ل سەر ئابوورا مە نەکەت.
ئەگەر هاتوو ژلایێ وانڤە ئەڤ ڕێین نوکە دهێنە بکارئینان بۆ مە ببیتە جهێ ئالۆزیێ کەواتە دڤێت ئەم دەروازێن دیتر بکاربینین بۆ ئالۆگۆرکرنێ و ڤەگۆهاستنێ و بارزگانیکرنێ، بۆ هندێ دا زێدەتر زیان ب ئابوورا مە نەگەهیت. هەروەها، ئەڤ شەڕێ نوکە یێ ڕوسیا و ئوکراینا و سووریا و نوکە ژی ئیران و ئیسرائیل، ئەڤە چەندین ئالۆزیێن دیتر یێن جیهانێ هەموو دبنە ئەگەرێ هندێ کو زێدەتر کاریگەرییا خۆ هەبیت ل سەر بزاڤ و چالاکیێن ئابووری.
Comments are closed, but trackbacks and pingbacks are open.