نەوزاد محەمەد
هیچ ووشەیەک لە ووشەی ” تیرۆر” ناشرین تر نیە.
هیچ کارێکیش لە کاری ” تیرۆریستی” قیزەوەنتر نیە.
بەڵام لەوە ناشیرینتر و قیرزەوەنتر ئەوەیە، کە تومەتبارێک بە تیرۆر هەوڵی پەردەپۆش کردنی کارەکەی بدات و پەنا بۆ بەندێکی یاسایی و ئامرازێکی تکنۆلۆژیای سەردەم ببات کە هیچ پەوەندیەکی مێژوویی و یاسایی پێکەوە نایانبەستێتەوە، بەڵام وا بۆ خۆیان رێکخستووە کە بەم شێوەیە دەتوانن پاساوێکی یاسایی بهێننەوە و پەنجەی تومەت لە خۆیان دوور بخەنەوە، لەوەش زیاتر تومەت بە دامەزراوەیەکی فەرمی و یاسایی بکەن !، ئەوە لە کاتێک دا کە چەندین بەڵگەی حاشا هەڵنەگریان لەسەر هەیە،
کاتێک تەماشای ئەم کارەیان دەکەین، جگە لە هەڵەیەکی زەقی دوور لە عەقل و مەنتق هیچی تری پێوە دیار نیە !.
لێرەشەوە بۆمان روون وئاشکرا دەبیت کە ئەو لایەنە، جگە لەوەی کە پێشتر تووشی ئیفلاسی سیاسی هاتبوو، ئێستا توشی ئیفلاسی عەقل و مەنتقیش بووە.
ئەگەر بە ناو پیاوی سیاسەت مەدار و یاسا ناس و عاقل مەند و ژیری ئەم لایەنە، هەر ئەوەندە لە خۆیان بزانن، ئەدی کەسانی ئاسایی دەبێ چۆن بن و چۆن بیر بکەنەوە !؟.
ئەم هەوڵانەشیان، نیشانەی ئەوەن کە ئەم لایەنە باکی بە هیچ بنەمایەک نیە، هیچ کاتیش ئامادە نیە دان بە هەڵەکانی خۆیان دابنێن و ڕێگای ڕاست بگرنە بەر، هەرچی کارو کردەوەش هەبووە، لە دژی بەرژەوەندییە گشتیەکان بووە و تەنها بۆ بەرژەوەندی تاقمێکی دیاری کراو بووە، ئەگەر ئەوەش بخوازێت دەست بۆ کاری قیزەوەنیش ببەن، ئەوە لاری یان نیە و خەمی ئەوەش یان نیە کێ دەبێتە قوربانی.
ئەم کار و هەڵوێستەیان و کاری پێشتریش کە لە لاپەرەکانی مێژوودا تۆمار کراون، لە بنەڕەت دا بەستراوی بەگڕەوەندێکی گوماناوی لە چوارچێوەی هەندێک ئەجندای دەرەکین، دوور لەو پابەند بوون و بنەما کوردایەتی و نەتەوەییانەن کە گەلی کورد خەباتی بۆ دەکات و قوربانی لە پێناوی دەدات.
داوای لێبوردن دەکەم ئەگەر ئەم بابەتەم کۆن بێت و پێشتر لە ساڵی ١٩٦٩ لە سۆشیال میدیا بڵاوکرابێتەوە، بەڵام لەبەر هەندێک هۆکار بە پێویستم زانی دووبارە بێخەمە بەر چاوی ئێوەی بەڕێز !.