ئێك رێزی ژ قونبەلا نەوەوی بهێزتره. زێ بادینان

✍️..محمد مراد

یا بەر ئاقلە،دەمێ دبێژن ئەگەر کورد بون دەولەت، دێ دونیا خرابیت ، راستە چنکو لڤێ جیهانێ هەمی یێ مللەتێن نە دولەت ئێگرێزییا دناڤ دا هەی ،تنێ ئێك رێزی دناڤ کوردا  نینە ل هەر چوار پارچا ….

ئێك رێزی ژ قونبەلا نەوەوی  مەزنترە، ئەگەر ئەم پێداچونەکێ تنێ د هەرێما کوردستانێ دا بکەین سالەکێ بتنێ ژی دڤان سیهو چار سالاندا ئارام نەبویه، ئێك رێزی ژی چێ نەبویه، کو تنێ سێ پارێزگەهن و خەلك و مللەتێ وێ هەمی بەشداری نەخوشییا بوینه،ئەوێن ب سەر شورەشێن کوردی هاتینه ، سەدێ نوت پتر ، پێشمەرگەبون و زەحمەت و ماندیبون بدیف شورەشێن کوردی ڤە برینه، و هزارەها شەهید و قوربانی پێخەمەتی رزگارکرنا کوردستانێ کرینه قۆربانی، و هەتا نوکه ژی ژ ئەگەرێن  نە ئێك رێزییا حزبێن سیاسی پتریا چوار هزار گوندێن کوردستانێ نە هاتینه ئافاکرن و ماینه چول و توکا لێ دخوینیت،،،

ئەو گوندبون، ئەوێن پتری چواردە سالا شورەش و پێشمەرگه بنان و ئاڤ و خوینا خو خودان دکرن ،و ب ئەگەرێ ڤان ناکوکیێن دناڤ حزبێن سیاسی دا ل کوردستانێ ، خەلك زور  بێزاربویە،هەر چەنده ، چەند سالا  جارەکێ هەلبژاتن ژی چێ دبەن ، لێ چو کارتێکرنێ ل ئێك رێزییا کورد ناکەت ، ئەڤه چەند خولێن پەرلەمانی هاتن پێك ئینان تنێ دەرگەهێ  پەرلەمانی روژەکێ دێ ڤەکەن و چەند سالا دێ مینیت گرتی ، دڤان سیهو چار سالادا هێشتا چوار سالا  بدورستی پەرله مانی  دەوام نەکریه، و حکومەتەکا ئاسایی کارێ خو بدروستی نەکریه، هێشتا دوو ئیداری یا دیارە ب هەرێما کوردستەنێ سەخمەراتی هەولێن نیڤ دوەلی و هەڤال و دوستێن  بیانێ لێ حزبێن  سیاسێ  هێشتا سورن لسەر نه ئێك رێزییا کوردا ل باشور دوو حکومەت و دوو پێشمەرگه و پەرلەمانەکێ دەرگەهـ گرتی،،،،،

ئەڤه هەمی دبنە ئەگەر کو مللەتێ کورد ل باشور بێزار کریە، چو باوەری ب دیمۆکراتیەت و هەلبژارتنا نە مینیت، چنکو تاکە رێك  بو سەرکەفتنا مللەتا و چارەسەرییا ناکوکیێن سیاسیێن هەلبژارتنانە ، لێ ل کوردستانێ هەلبژاتن ژی بێ مفانە و ئێك رێزی چێ نابیت ، ئەگەر هوسا  برێفه بچیت ، بێ شك دوژمن و نه حەزێن کوردا هیچ  هزرەکێ بو هەرێمێ ناکەن ، چنکو لدەف وان یارون ئاشکرایە،حزبێن سیاسی د کوردستانێ دا هەڤرك و دوژمنێت ئێکن هیچ ئێك ریزی  دناڤ دا نینه، ئەڤه جهێ دلخوشیێ بو عێراق و ئیران و تورکیا ژی ، هەردەم حەزدکەن حزبێن سیاسی یێن کورد نەبن ئێك رێز دا کورد لاواز بن و داخازیێن  مەزن نەکەن،،،،،

ئەم هزر دکەین ئاڤەدانی یا هەی ئەڤه ژی لایێ سیاسی ڤەبو مه دبیتە بەلا و دە یان ئاریشه و ناکوکیا پەیدا دکەت لایەکێ ئاڤەدانی و لایەکێ هەرفتی و لایەکێ دی چول و لایەکێ دەستێن مە سەر ئەڤرازن ئەها ئەڤرو موچه هات ، یان نە هات، وەسا لدەف خەلکێ خویا بویه، ژ ئەگەرێن نه ئێك رێزییا حزبێن سیاسێ حکومەتا ژییێ  وێ گەهشت بیت سیهو چار سالیێ نەشێت هەیڤەکێ موچێ خەلکێ بدت و بویە، جهێ پرسیارێ، ئەگەر و فاکتەرێن خو هەنه، لێ مللەت و نه ئێك رێزییا حزبێن سیاسی، ئەڤه ژی لبەر خەلکێ کرینه خەون، ئەم دبێژین سویجێن  ئێکەتی نە و جار دبێژێن سویجێن پارتی نه و جار دبێژین  سویجێن عێراقێ نه، یا بو یە خەون و ئالوزی دناڤ هەمی تەخ و چینێت جەماوەری ، چنکو دڤان سیهو چار سالاندا ئێك رێزی چێ نەبویه و دە یان ناکوکی و شەر ژی پەیدا بوینە لسەر ڤێ سەر رەقیا حزبێن سیاسێ مە نیڤه کا ئاخا کوردستانێ ژ دەست دا دگەل پتریا 60 ژ سەدێ سەرو سامانێ کوردستانێ،.،،،،

هەتا نوکە ئەم یێ دلاوزیەکا سیاسی دا دژین قەد هزرێ ل ئێك رێزی ناکەین و ب چاڤێ دوژمنا بەرێ خو ددەین ئێك و دوو ، ڤی لای پارتی و لایێ دی ئێکەتی هزر ناکەین هەتا ئەم نه بێن برایێن  ئێك نه حکومەت دورست دبیت و نه هێزێن پێشمەرگەی دبن ئێك و نه دەرگەهێ پەرلەمانی ڤه دبت، بڤێ نه ئێك رێزی یێ ئەم دچاڤێن عێراقێ دا زور  لاواز کرینە، عێراق  هیچ هزرەکێ بو کوردستانێ ناکەت ، یان هه ر گرنگی ژی ب فیدرالیەت و هەرێمێ ژی نادت، لەو یا بەر عاقله وەکی دبێژن ئەگه ر کورد بون دەوله ت دێ دونیا خرابت،مانێ ل 2017 هێشتا مە دەۆلەت نە راگەیاندی ، عه ردو ئەسمان  لمە گرتن ، و ئەگەر ل وی دەمی عێراقێ  ئەڤ ئارامی و هێزه هەبا دا جارەکا دی که ڤینە دبن دایگیرکرنێ ڤه،،،،،