كوژمێ 185 ملیون دینار بۆ تۆرا ئاڤا گوندێ سماقوك ل ئاكرێ ته‌رخانكرینه

وه‌زاره‌تا باژێرڤانى و گه‌شت و گۆزارییا حكومه‌تا هه‌رێما كوردستانێ د راگه‌هاندنه‌كێدا ئاماژه‌ دایه‌، كو كوژمێ 185 ملیون دینار، بۆ تۆرا ئاڤا گوندێ سماقوك ل ئاكرێ ته‌رخانكرینه.

‌ وه‌زاره‌تا باژێرڤانى و گه‌شت و گۆزاریی، ئه‌ڤرۆ پێنج شه‌مبى 1-7-2021ێ د فه‌یسبووكێ خوه‌یێ فه‌رمیدا راگه‌هاندییه‌، كو پشتى رازه‌مه‌ندییا جڤاتا وه‌زیرێن هه‌رێما كوردستانێ، و وه‌زاره‌تا باژێرڤانى و گه‌شت و گۆزاری ل رۆژا 30-6-2021ێ، بریاردا بوو ب خه‌رجكرنا كوژمێ 185 ملیۆن و 137هزار و 600 دیناران، بۆ رێڤه‌به‌راتییا ئاڤا ئاكرێ ب شێوازه‌كێ راسته‌وخۆ ل سه‌ر بودجه‌ییا ئاسایى.

ئه‌و ژى دیاركر،كو خه‌رجكرنا ئه‌وى كوژمێ پاره‌یى بۆ مه‌ره‌ما جێبه‌جێكرنا پرۆژه‌یێ دانانا تورا ئاڤا و كولانا بیران بۆ گۆندێ سماقوك ل سه‌نته‌رێ ئاكرێ.