وەزارەتا نافخۆ یا ئیراقێ راگەهاند، سپێدەهیا ئەڤرۆ رۆژا چوار شەمبی، مالا ئەحمەد ئەبو رەغیف، بریکارێ وەزارەتا نافخۆ بۆ کارو بارێن هەولگێریێ ل بەغدا هاتە ئارمانج کرن و هێرش ژ لایێ کەسێن ژ یاسایێ دەرەکەفتین هاتیە ئەنجامدان.
وەزارەتا نافخۆ د راگەهاندنا خوە دا دیارکریە،” پشتی سەرکەفتنێن ئێک ل دویڤ ئێک یێن دەزگەهێ هەوالگێریی و دەزگەهێ فیدرالی ب سەر تیرۆر و چەتەیێن تاوانێن رێکخراوان دا، هندەک ژ سەرپێچیکارێن ژ یاسایی دەرکەفتین بزاڤکرن ل سپێدەهیا ئەڤرۆ ب موشەکێن کاتیوشا مالا ئەحمەد ئەبو رغیف، بریکارێ وەزارەتا نافخۆ بۆ کاروبارێن هەوالگێریێ بکەنە ئارمانج”.
هەر وەسا ئاماژە کریە، بزاڤێن وان کەس و لایەنان شکەستن ئینایە د ئارمانج کرنا مالا ناڤبری دا، بتنێ زیان گەهشتینە پشکا ژ دەرڤە یا مالێ، لەورا د نوکە دا ڤەکۆلین ل سەر رودانێ دهێتە کرن و جهێ هاڤێتنا موشەکان ژی هاتیە دیتن.
وەزارەتا نافخۆ یا ئیراقێ گوتیە،” هێزێن ئەمنی ڤەکۆلین ل سەر رودانێ دەستپێکریە و دێ دژوارترین سزایان ل سەر ئەنجامدەرێن وێ تاوانێ سەپینن”.