پاپۆرا هەستێن
دناڤ پێلێن هارێن دەیای
برێکەفت نزانم ؟
دێ ل کیش کناری ڕاوەستیت ؟
هزرێن من لسەر شاپەرێن عەوران
دبنە گژلوکەکا کز گریوک و
ل گزیرتەکێ بەرزە دباریت
هەمی خەونێت من
یێت ساڤا ژناڤ دبەت و
بارێ خەما مشوتەکە ب پشتا منڤە
دەیکا دالیایێ
باهینکێن گەلاڤێژێ
بەلگێن دارا سپیندارێ دهژینت
ڕهێن دلێ من سەرخۆش دبن
ئەڤێ سپێدێ
سپیندارا لاتێ سەما زۆبا دکەت
دگەل بیرەوەریێن من
ئەڤێ سپێدێ
جوێن کویر دکولیتە
ئەڤینەکا زەلال!
تیرۆژ ئامێدی
هیڤیێن من
هەمی مرن
ب ڕوندکێن
چاڤێن خوە من شویشتن
من کفنەک ژ بەختێ خوە
لێ ئالاندن
دناڤ گورستانا دلێ خوە دا
من ڤەشارتن
نە کەسەکێ ل بەر دلێ مندا
ونە کەسەکێ
خەمێت من سڤک کرن
سەگڤان ئەحمەد