محمد مراد…
هەر چەندە پارتا ڪرێڪارێن باڪور خەباتەڪا شورەشگیری توند دژی تورڪیاکریه و بەرگری ژ مافێن رەوایێن گەلێ ڪورد ڪرینه ل باڪورێ ڪوردستانێ دە یان هزار شەهید ڪرینە قوربانی خەبات و بزاڤا شورەشگیری و شیاینە لسەر ئاستێ جیهانێ خو بدەت ناسڪرن، ڪو بەرگری ژ مافێن مللەتێن ڪورد ل باڪور بڪەت، دژی زولم و ستەما رژێما تورڪیا، پشتی خەباتەڪا دورو درێژ دژی رژێما تورڪیا لێ،ئەڤرو چەڪی دانن باشترە ژ سوباهی،،،،
چنڪو دەمێ شورشێن ڪلاسیڪی نەمایه، هەبونا تەڪنولوجیایا سەردەم ،هەمی هێز دهێنە گوهارتن، دانانا چەڪی دبەرژەوەندییا گەلێ ڪورد دایە، ل باکورێ ڪوردستانێ ئەڤرو جیهان دلوفانیێ بهێزێن شورەشگیر نابن،چو هێزێن شورەشگیری ب چەڪێ ڪلاسیڪی یێ نهو نەشێن بەرگریێ بڪن،بەرامبەر ڤان دەولەتێن زلهێز،چەك دانانا پەڪەڪێ ژی نوڪە زور فەره تایبەتی پشتی ژناڤچونا حزب الله لوبنانی و حەماسا فلستینی و حوتێن یەمەنێ،ڪو نەشیان خو لبەر لێدان و تێڪنولوجییا سەردەم یا ئەمریڪا و ئیسرائیلێ بگرن، سەدان هزار ژ وان هێزێن شورەشگێر دانە ڪوشتن و ل دوماهیڪێ ژی ئالایێ سپی راڪرن ،،،
یا ئەڤرو پەڪەڪە لسەر رازی بیت چەڪی دانن، دبەرژەوەندیا هەر چار پارچێن ڪوردستانێ دایه و تایبەتی ڪوردێن باڪور، و دێ بیتە فاڪتەرەڪێ سەرەڪی دە یان هزار ڪورد ژ زیندانێت تورڪیا بهێنه رزگار ڪرن و دە یان گەنج و سنێلە و چەڪدارێن پەڪەڪێ ب خێزان و ڪەس و ڪارێن خو شاد دببن و بشێوەڪێ گشتی ڪوردێن باڪور ژ بن زولم و زوردارییا تورڪیا قورتال ببن و بناڤێ ئەندام بون دگەل پەڪەڪێ ژیان ل ڪوردێن باڪور رەشڪر بوو، یاباشه خو تێڪەلی ژیانەڪا دیموڪراتی و مەدەنی بڪەن ل تورڪیا ، ڪو دێ گەلەك مافێن وان ب رێڪا دیموكراتیەت و هەلبژارتنا بدەست ڪەڤن ، دەمێ هێزێن شورەشگیری بسەر ڤەچو ،چو هێزێن شورەشگێری نەشێن بەرگریا تەڪنوولوجییا لەشڪەری یا سەردەم بڪەن، و تایبەتی ڪورد دناڤبەرا چار وەلاتێن دوژمن دا وەك تورک و فارس و هەردوو دەولەتێن عەرەب دا ، یا باش ئەڤرو بو هەر چوار پارچا خو بگونجینن ب رێڪا دیموڪراتی و هه لبژاتنادا مافێن مللەتێ بەر جەسته بڪەن، ددە ستورێن وان وەلاتادا ، هەر چەندە ئەم ڪورد دێ بێژین مه چو دوست نین ژ بلی چیا ، لێ ئەڤرو چیا ژی مه ناحەوینن ، ژبەر تەڪنولوجییا سەردەم نەچیا ونەشڪەفت و نە تونێل خو لبەر ناگرن،،،
Comments are closed, but trackbacks and pingbacks are open.