ژێر ئه‌شكه‌نجا په‌یه‌دێ گەنجەکێ کورد گیانێ خوه ژ ده‌ستدا
گه‌نجه‌كێ كورد ب ناڤێ ئه‌مین عیسا ئه‌مین، ژ دایكبوویێ 1986ـی گوندی بێریكی سه‌ر ب ده‌رباسیه‌ی رۆژئاڤایێ كوردستانێ ل ژێر ئه‌شكه‌نجا په‌یه‌دێ گیانێ خوه ژ ده‌ستدا.
ل دووڤ پێزانینێن ژێده‌رێن ناڤخۆ یێن رۆژئاڤایێ كوردستانێ، ئه‌و گه‌نج 27 رۆژه ژ لایێ چه‌كدارێن په‌یه‌دێ هاتیه ره‌ڤاندن و یێ نه‌خوشبوو د زیندانێدا ئه‌شكه‌نجه‌دایه.
كه‌سوكارێن وى راگه‌هاند: چه‌ندین جاران ده‌رمان بۆ برینه، به‌لێ چه‌كدارێن په‌یه‌دێ ره‌تكر ده‌رمانان بده‌نێ.
ئاماژه ب هندێ ژى كر،ئه‌مین ژ لایێ چه‌كدارێن په‌یه‌دێ ب شێوه‌كێ وه‌حشیانه، ئه‌شكه‌نجه دایه و ل ژێر ئه‌شكه‌نجێ گیانێ خوه ژده‌ستدایه.
ئه‌مین ژیانا هه‌ڤژینیێ پێكئینایه و بابێ دوو زارۆیان بوو و پسمام و زاڤایێ به‌شار ئه‌مین ،ئه‌ندامێ مه‌كته‌با سیاسیا پارتى دیموكراتى كوردستان -سووریایه.
