کۆمسیۆنا بلندا سەربەخۆیا هەلبژاتنێن عێراقێ کوژمێ وی پارەی دیارکر کو وەک پاداشت دێ دەنە وان ماموستایێن زانکۆیێ کو دێ بنە سەرپەرشتێیارێن بنگەهێن دەنگدانێ.
ئەڤرۆ پێنج شەمبی، نبراس ئەبو سودە، هاریکارێ پەیڤدارێ کۆمسیۆنێ بۆ رۆژنامەیا سەباح یا فەرمی ڕاگەهاند، “جڤاتا کۆمیساران بڕیاردا کوژمێ ٢٥٠ هزار دینار وەک پاداشت ب مەزێخیت بۆ هەر ماموستایەکێ زانکۆیێ کو سەرپەرشتیا بنگەهێ دەنگدانێ بکەت د رۆژا هەلبژارتنێن بەروەخت دا”.
هەڤدەم زەلالکر ژی، جڤاتا کۆمیساران هەروەسا بڕیارا وێیەکێ دایە وێنەیەک ژ راپۆرتا ئامیرێ بلەز یێ ڕاگەهاندنا ئەنجامێن هەلبژراتنان و وێنەیێ ئەنجامێن هەلبژارتنێ و کاغەزا دەنگدانێ یا هەر ویستگەهەکێ بدەتە نوینەرێ پارتێن سیاسی و بەربژێران بەریا ئەنجام ب رێیا ناڤەندیا ئەلکترۆنی بهێنە هنارتن.
بڕیارە رۆژا ١٠ تشرینا ئێکێ یا ٢٠٢١ێ هەلبژارتنێن بەروەختێن عێراقێ بڕێڤە بچن و ژ ناڤخۆ و لسەر ئاستێ ناڤدەولەتی پشتەفانیەکا زێدە هەیە بۆ ئەنجامدانا هەلبژارتنات ددەمێ خۆ دا.