ئێکەم: دۆسەیا رادەستکرنا نەفتێ:
- حکومەتا هەرێما کوردستانێ دەملدەت هەمی نەفتا بەرهەمهاتی ژ زەڤیێن هەرێمێ رادەستی کۆمپانیا سۆمۆ کەت.
- ل هەمبەر هەر بەرمیلەکا دهێتە وەرگرتن، وەزارەتا داراییا فدرال دێ 16 دۆلاران وەک پێشینەیەکێ دەتە حکومەتا هەرێما کوردستانێ، مەرج ئەوە کو بریارا وەرگرتی ژ 230 هزار بەرمیلان د رۆژەکێدا کێمتر نەبیت، هەر زێدەبوونەکا بەرهەمی دێ بۆ ڤێ بریارێ هێتە زێدەکرن. ئەگەر هنارتنا نەفتێ راوەستیا، دێ هەمی ئەو نەفتا ئاماژە پێ هاتیە دان، رادەستی وەزارەتا پەترۆلا فدرال هێتە کرن.
زەلالکرن:
ئاستێ بەرهەمئینانێ نوکە 280 هزار بەرمیلن د رۆژەکێدا، 50 هزار بەرمیل بۆ بکارئینانا ناڤخوەیا هەرێما کوردستانێ دهێتە تەرخانکرن، 230 هزار بەرمیلێن دی کو دمینن دگەل هەر زێدەبوونەکا داهاتی دێ رادەستی سۆمۆ هێتە کرن. - رۆژانە 50 هزار بەرمیل دێ بۆ بکارئینانا ناڤخوەیا هەرێما کوردستانێ هێنە تەرخانکرن، ب مەرجەکی حکومەتا هەرێما کوردستانێ تێچوویێن بەرهەمئینان و ڤەگوهاستنا وێ ب ستۆیێ خوەڤە بگریت. هەروەسا داهاتێ فرۆتنا بەرهەمێن نەفتی پشتی دەرئینانا تێچوویان، دێ بۆ خەزینا گشتی یا فدرال زڤریت.
دووەم: دۆسەیا داهاتێن نەنەفتی
- وەک پشکەکا دەستپێکی، حکومەتا هەرێمێ دێ (120) ملیار دیناران بۆ هەیڤا ئەیارێ رادەستی وەزارەتا داراییا فدرال کەت.
- تیمەکا هەڤبەش ژ وەزارەتا دارایی و دیوانا چاڤدێریا داراییا فدرال و یا هەرێما کوردستانێ دێ پێکهێت بۆ هویربینیا داهاتێن نەنەفتی و دیارکرنا پشکا حکومەتا فدرال ژ ڤان داهاتان، کو دڤێت د ماوێ دوو حەفتیاندا راپۆرتا خوە پێشکێش بکەت.
سێیەم: ب بانکیکرنا مووچەی (التوطين)
- لژنەیەکا هەڤبەش دێ بۆ تەمامکرنا پرۆسەیا ب بانکیکرنا مووچەیان ل هەرێما کوردستانێ هێتە پێکئینان. دڤێت د ماوێ سێ هەیڤاندا کارێ خوە ب دووماهی بینیت.
چارەم: هویربینیکرنا خەرجیان
- تیمەکا هەڤبەش دێ وان خەرجیێن زێدەتر ژ پشکا هەرێما کوردستانێ دیارکەت و میکانیزما چارەسەریێ د ماوێ دوو حەفتیاندا دێ پێشکێش کەت.
پێنجەم: دەستپێکرنا جێبەجێکرنێ
وەزارەتا دارایی، پشتی کو کۆمپانیا سۆمۆ وەرگرتنا بریارا تەماما پەترۆلێ (230 هزار بەرمیل د رۆژەکێدا) پشتراست دکەت، دێ دەست ب خەرجکرنا مووچەیێ هەیڤا ئەیارێ یێ مووچەخۆرێن هەرێما کوردستانێ کەت.