ناجح بێجانی
ئەز گەلەک جاران ئەڤێ وەکو میناک ب کار دئینم ودشەرێ دوێ یێ جیهاندا، پشتی کو ئەلمانیا هۆلندا داگیرکری وخەلکێ وان نەچارکرن کو شۆلی پێ بدەنە کرن بەرانبەر هندێ خوارنەک کێم پێبدەن دا کو بەس ژبرسا نەمرن ، لێ یاجهێ حیبەتیێ وسەرسۆڕمانێ ئەڤەیە هێشتا خەلکێ وان ژبیرنەکریە وب تایبەت ل خواندنگەها هەتا ئەڤرۆ ژی مامۆستایێن وان بۆ خویندکاران ڤەدگێرن کا چ ب سەرێ خەلکێ هۆلندا ئینابوو، ژ سەتەم وئیهانەکرن و کوشتنێ پرانیا باژێریێن هۆلندا دیمەنیێن کومکۆژییا یێن هەین سالانە وەکو بیرهاتن بیردئینن، ئەم کورد بۆچی ژبیردکین ؟ بیردانکا مە زویکا سفر دبت ،یان ژی بۆ مە نەخەمە هەر چ چێدبت هەر کەس دبێژن ما من شۆلەپێ دڤێتن پالددەتە یێ دیتر
خوە قورتال بکت ئەڤە نە یا ڕاستە ل ڤێڕێ کێمتر خەمی پەیدا دبت وهەتا ژ لایێ دام ودەزگەهێن حوکمەتێ ژیڤە گەلەک گرنگیێ پێنادەن ئەو ژی ئێهمالدکن وهەر وەک چ چێنەبووی، خۆیایە ژیان سەربۆرە شکەستن وسەرکەفتن یێن تێدا بەرژەوەندیێین هەڤشیک ژی یێن هەین و هەڤڕکێن سیاسی ژی یێن هەین و هەر ئێکێ دڤێتن ل سەر یێ دیتر زاڵ بت وهەمی پێکڤە گڕێداینە وەکو زنجیرەکێ یە هەگەر قەتیا ئێدی ب سەرێکڤە ژی بکی ناڤەگەرت وەکو بەرێ ، کا چەند مرۆڤ یان حوکمەت دێ شێن قازانجێ ژ دەرفەتان وەرگرن ،یان ئەوا ب سەرێ مەهاتی ل بیرا مە دمینت ، چونکو هەر ژ دورستکرنا دەولەتا ئیراقا نوی پرانیا سەرکردیێن کو بوونە کەسێ ئێکێ وەکو سەرۆک وەزیرێ ئیراقێ هەر کوردبوون پێشتەڤانیلێکری پشت ڕا وەکو دژمن بەڕێخۆددەنە کوردان چۆ حسابا بۆ ناکن ب تنێ خوەشمرۆڤن بەری دورستکرنا کابینەتێ و پاشی هەر تشت دهێتە ژبیرکرن ئەم وەسا یێن فيڕبوون هەروەکو سۆزەک دناڤبەرا دو عەشیرەتادا بهێتە کرن وداکو پێگرێێ پێ بکەن ، ئەم نزانن سیاسەت سەر بەرژەوەندییا یە هەر دەما پێدڤی مەبوون جامێڕن، باشە بۆچی مە جارەکێ پسیار کریە هوکار چنە، ئەرێ ب ڕاستی ئەم ژبیر دکین ئەڤ چەند سەرۆک وەزیر هاتن گۆهارتن باشە هەتا کەنگی ئەم دێ پشتەڤانییێ لێکەی ؟ ئەرێ بەرانبەر چ مادەم چ تشتی نڤیسی نینە هەگەر هەبت ژی جێ بەجێ ناکەن ، هیچ جارەکێ وەکو نۆکە کورد شەپرزە نەبوونە چاڤەریێ بەر دەستێ ئەرەبان بن ، وەکو کوردان گۆتی (دێ کینە گۆهارک کینە گوهێ خوە ) ئەز دبێژم نەخيڕ وەکو بۆچوونا من، پشتی چەند مەهێن دیتر دێ هەلبژارتنێین گشتی یێن ئیراقێ دهێنە ئەنجامدان ، یان ژی جارەکا دیتر وئەرەبەکێ دیتر دێ کینە سەرۆک وەزیر ئەڤا چێبووی دێ ژبیرکەین ، هەروەکو چۆ چێنەبووی هەگەر ڤەگەرن سالا ٢٠١٤ێ وشەرێ داعشێ و برینا بۆجەی ژ هەرێما کوردستانێ و دژایەتیا هێزیێن پشمەرگەی وهەتا ئەڤڕۆ ژی دڤیابا بوومە ب بن دەرس وعیبرەت باش بزانن ٢٠٠٣ ێ ئەم چەند بهێزو سەنگبوون ل بەغدا حساب بوومە دهاتە کرن و بڕیاریێن چارەنڤیس ب هەڤپشکی دهاتندان ، ئەرێ ئەڤڕۆ ئەڤە هەیە بەرسڤ نەخێڕ مانە دڤێت کورد پێداچۆنەکێ دخوەدا بکن بۆچی هەتا نۆکە مەنەشیایە کێمترن ماف ب ژیانا ڕۆژانە یا هەوەلاتیا ڤە مسوگەر بکن وخەلکێ خوراگرێ کوردستانێ ژ دل رەوکیێ قورتال بکن ، بێ مەدح باشترین کەسێ خوە ل بەر کاودانێن نەخوەش بگرت هەر تاکێ کوردە دڤێتن سەرکردیێن کوردستانێ چاڤخوەشاندنەکێ ب خوەدا بکن ژ پەیوەندیێن کەسوکی دەرکەڤن بکەنە بەرژەوەندی گشتی ژبۆ خەلکێ کوردستانێ هەر ئەڤە سامانێ مەنە یێن کو ئەم شانازییێ پێبکەن بزانن کی دژمنە کێ دوستە دباوەریا مندا کابینەتێ ئیراقێ یا داهاتی دێ زۆر یا جودا بت ژ بەرکو نفشەکێ دی دێ دەستهەلاتداریا وەرگرن و دڤێتن باش بزانن وخوە ئامادە بن بۆ هەر ئەگەرەکێ ئەڤە ژی ب ئێکڕێزی و هێزەکا نیشتمانی یا ئێکگرتی و دابینکرنا پێدڤێن سەر دەمیانە وەکو. چەک وتەقەمەنی ژبەرکو هێزێ دوەرێ خوە یێ مایی دا کو هزرەکێ بۆ مەبکن ئەڤە ڕۆژ هەلاتا ناڤینە کی ب هێزە ئەو هەڤالە .