بهایێ نەفتێ د بلند بوونێدایە

ژئەگەرێ‌ بەردەوامییا شەڕێ‌ دناڤبەرا ڕووسیا و ئوكرانیا و سزایێن وەڵاتێن ڕۆژئاڤا لسەر مۆسكۆ سەپاندین، بهایێ نەفتێ دبازاڕێن جیهانێدا ڕۆژانە گوهرینان بخۆڤە دبینیت و بلند دبیت.
ئاژانسێن دەنگوباسان ژ بورسا جیهانییا نەفتێ ڕاگەهاند، سپێدەهییا ئەڤرۆ ڕۆژا شەمبی ڕێكەفتی 26 ئادارێ‌، جارەكا بهایێ نەفتێ بلندبوو، و بهایێ ئێك بەرمیلێ نەفتا برێنت گەهشتە 120 دولار و 70 سەنتان، و بهایێ نەفتا خاڤا ڕۆژئاڤایێ تكساس گەهشتە 113 دولار و 90 سەنتان، و بهایێ ئێك بەرمیلێ نەفتا خاڤا ئۆپێك ب 118 دولار و 72 سەنتان بازاڕ پێ دهێتەكرن.