هنارتییێ تایبەت یێ سەرۆکێ ئەمریکا ل سووریا ڕاگەهاند، ئەو هێزا ل ناڤەڕاستا سووریا کەڤتیە بوسەیێ، هێزەکا هەڤپشك یا سوپایێ ئەمریکا و حکومەتا سووریا بوو، ژبلی کو سێ سەربازێن ئەمریکی د ئەوێ هێرشێ دا هاتنە کۆشتن، ژمارەیەکا سەربازێن سووریا ژی برینداربوون.
شەمبی 13ــی کانوونا ئێکێ 2025ــێ، تۆم باراك، هنارتییێ سەرۆکێ ئەمریکا ل سووریا، ل تۆرا جڤاکی یا (ئێکس) زانیارییێن نوو دەربارەی هێرشا ئەڤرۆ یا داعش ل سووریا دیارکرن و ڕاگەهاند، چەکدارێن تیرۆست یێن داعش هێرش کریە سەر هێزێن هەڤپشك یێن ئەمریکا و حکومەتا سووریا.
هەروەسا هنارتییێ سەرۆکێ ئەمریکا ل سووریا ئاماژە کریە،”ب دژواری ئەوێ بوسەیا تڕسنوکانە و تیرورستی شەرمزار دکەین”.
