وەزیرێ بەرەڤانیا ئیراقێ،ئێرشێن ترکیا ب واتەیا بنپێکرنا سەروەریا ئیراقێ ناهێن

زێ بادینان :

وەزیرێ بەرەڤانیا ئیراقێ دبێژیت، ئێرش و بۆردوومانێن ئارتێشا ترکیێ ل دەڤەرێن سنۆری یێن ئیراقێ (ھەرێما کوردستانێ) نە بنپێکرنا سەروەریا ئیراقێ یە!

وەزیرێ بەرەڤانیا ئیراقێ، جومعە عیناد د سەمینارا رافیدەین دا ل بەغدایێ بەحسا سەروەریا ئاخا ئیراقێ کر و راگھاند، ئەو ئێرشێن کو ترکیا ل دەڤەرێن سنۆری ل دژی پەکەکێ ئەنجام ددەت، سەروەریا ئیراقێ بنپێ ناکەن.

وەزیرێ بەرەڤانیا ئیراقێ ھەر وەھا گۆت، ترکیا بۆ وان ئێرشان بەھانە ھەنە، ئەو ژی ھەبوونا ھێزێن پەکەکێ یە، ژ بەر وێ ژی ئێرشێن ترکیا ب واتەیا بنپێکرنا سەروەریا ئیراقێ ناهێن.

ب گۆتنا وی وەزیرێ ئیراقی، ئێرشێن ترکیا بێ ھەماھەنگی لگەل ئیراقێ تێنە ئەنجامدان!