(دلوڤان ئەمجەد بارزانی)
حکومەتا عیراقێ ب تایبەتی وەزارەتا دارایی هەر روژێ بهانەیكێ دگریت ل هەرێما کوردستانێ بەس دا مووچە یان ژی بودجەیێ فەرمانبەرێن هەرێمێ فرێ نەکەت ..
ئەڤ پارەیە یاخود بودجەیە مافێ شەرعیێ هەرێما کوردستانێ یە ئەو ژی باش دزانن لێ بەلێ وان ب کورتی و کوردی نەڤێت فرێبکەن .
داخازیێن وان تەواو نەبوون چیا ڤیا حکومەتا هەرێمێ بو فرێکر هەر ژ داهاتێ نەفتێ بگرە هەتا دوماهیکێ ، لێ جهێ ئاماژە پێ دانێ یە هەمی ئەو رێژا پارێ بۆ هەرێمێ فرێ دکەن هندی یێ وەزارەتەکا عیراقێ نینە و سەروك وەزیرانێ عیراقێ سودانی وەزیرا دارایی ب کاردئینیت .
دەردێ نەڤیانێ دەردەکێ گران و بێ دەرمانە وەکی مەزنان گوتی :(دوژمنێ باب و کالا نابنە دوستێن لاوا) ئەڤە ژی ئەو مەسەلەیە زێدەتر چیێ دی نینە .
وەکی مەرجەعێ کوردان سەروك بارزانی بەری نها گوتی ئەڤی مللەتی ژ برسان دا شورەش نەکریە ئەگەر تە ئیرادە و کەرامەت هەبیت دێ پارە ژی هەبیت بەلێ ئەگەر کەرامەت و ئیرادە نەما پارەی چ بهایێ خو نینە ، کەس نەشێت هەمی مانگێ ئیمزا کر ئیمزا نەکر موافقە کر موافقە نەکر ما ئەم دەروزکەرین بەر دەرگەهێ وان . ئەڤێن مەبەستا وان ئیرادە و کەرامەتە و مەبەستا وان پاراستنا دیروکا پری سەروەرییا شەهیدێن کوردو کوردستانێ یە ئەوان ژی دێ بریارا خو هەبیت .
ئەڤ رەنگێ رەفتارێ کو دگەل موچەیێ مللەتێ کورد دکەن ژنها پێڤە وەکی مەهێن دەرباز بووی کری ب چ رەنگەکێ جهێ قەبولکرنێ نیە .
چ خێرا ب مە کوردان ناکەن ئەڤە مافێ مەیە دڤێت فرێ بکەن .
باشترین رێك ئەوە کو هەمی لایەن و پێکهاتەیێن کورد ل دژی بریارێن حکومەتا عیراقێ ببنە ئێك دەنگ و ئێك رەنگ و ئێك بریار دا بشێن گڤاشتنا ل سەر حکومەتا عیراقێ بکەن و مەجبور بکەن مافێن کوردان بدەنێ .
ئێك گرتن باشترین چارەسەرە بو ب دەست ڤە ئینانا مافێن رەوایێن مللەتێ کورد کو ئەڤە چەندین سالە ئەف مافە نەداینە کوردان .
مەکتەبا سیاسی یا پارتا دیموکراتا کوردستانێ راگەهاند ئەگەر حوکمەتا عیراقێ مووچێ مەها (٥) بەری جەژنا قوربانێ فرێ نەکر ئەم دێ بریارا خودەین ل (٢٦٢٠٢٥) و هەلوێستەکێ جدی دێ مە هەبیت .
گوت ژی ئەم رەئیا گشتی یا عیراقێ و هەرێما کوردستانێ ئاگەهدار دکەین کو حکومەتا فیدرالی یا بەردەوامە ژ بنپێکرنا مافێن دەسوریێن هەرێما کوردستانێ و دوماهێك بنپێکرن نوسراوا دوهی یا وەزارەتا دارایی بو کو ل دژی دەستور و بنەمایێن ریککەفتناما پێکئینانا حکومەتێ یە و ب سیاسی کرنا قوتی یان مافێ خەلکیە .
حکومەتا عیراقێ ئەڤە نە جارەك و دووجارە ، نە رۆژەك و دوو رۆژە ، نە مەهەك و دوو مەهە ، نە سالەك و دوو سالە ئەڤە چەندین سالە یا بەردەوام ژ دوژمنکاریێ دگەل مللەتێ کورد هەر ل ئەنفال و جینوسایدکرنا کوردان بگرە هەتا کیمیا باران کرن و بێ سەروشینکرن و ب ساخی بن ئاخکرن و ئاوارەکرن و مال وێرانکرنا مللەتێ کورد و ژناڤبرن و شەهیدکرنا (١٨٢،٠٠٠) سەدو هەشتێ و دوو هزار کەسێن بێ گونەهێن کوردستانێ هەر یا بەردەوامە ل دژایەتی کرنا مللەتێ کورد و ئەڤە چەند سالە هێشتا سالەکێ ب درستی مووچە و شایستێن دارایێن خەلکێ هەرێما کوردستانێ نە هنارتیە و بەردەوام بهانەیا دگرن .
لەوما دڤێت ڤێ جارێ هەمی ئالیێن دەسەلاتدارێن کورد بێ جوداهی ب ئێك پەیام و بریار و ئێکگرتی بریارەکێ بدەن کو حکومەتا عیراقێ پەشیمان ببیت ل وان رەفتارێن نە ژ هەژی ل دژێ کوردان دکەن .
خوڤەکێشان ل حکومەت و پەرلەمانێ عیراقێ و بەژداری نەکرنا پروسێسا هەلبژارتنێن پەرلەمانێ عیراقێ و یا ژ هەمیان گرنگتر راگەهاندنا سەرخەبوونا هەرێما کوردستانێ کو جودا بیت ژ عیراقێ ئەگەر ئەو نەشێن بودجە و شایستێن دارایێن کوردان بدەن بلا دەستا ژ کوردستانێ بەردەن وەك هەرێمەکا سەربەخوو بن .
برینا مووچە و نان و قوتا مللەتێ کورد مەزنترین تاوانە دڤی چەرخی دا دهێتە کرن بەرامبەر مروڤاییەتیێ و کوردان ..
مللەتێ کورد ب کیمیا باران و ئەنفال و جینوسایدکرن و تالان و خراپکرن و ئاوارەیی و دەربەدەری و شەهیدکرنێ ژ ناڤ نەچونە هەر یێن مای و ب برینا مووچەی ژی ژناڤ ناچن بەلکو دێ هەر مینن و بهێزتر ل جاران .
Comments are closed, but trackbacks and pingbacks are open.