زێ بادینان ،فوزی بھجت عبداللە
ـموسا مستەفا ھونەرمەندێ رەگەز سوری و خودان رەگەزناما سویدی یە ، ژدایک بویێ سالا ١٩٧٨ یە ، ھەول ددەت ھونەرەکێ جوان و ئیسلامی پێشکێش بکەت ، پتریا کارێن وی خێرخوازی و مروڤایەتی یە ، سەرەدانا گەلەک وەلاتێن جیھانێ کریە و سەرەدانا ھەرێما کوردستانێ ژی کریە د سالا بوری دا ، ماڵپەڕێ “زێ بادینان ” فەردیت دیدارەکێ دگەل دا بکەت.
ـ
1- موسا موستەفا کیە؟
- موسا مستەفا هونەرمەندەکە بۆ مرۆڤ و ژیان ژیان و ئومێد و ئاشتی و زاروک و گەنج و خێزانان ستران دبێژیت، ل سوید دژیم، من د بوارێ ئابوریدا خوانیدیە. نوکە وەک رێڤەبەرێ دەزگایێ MBY کاردکەم.
2- کەنگی دەست ب ستران گوتنێ کریە؟ - من د ژیەکێ بچیکدا ل سالا ١٩٨٨ دەست ب ستران گوتنێ کریە و ئێکەم پشکداریا من د ڤیستەڤالا ستران گوتنێ بوو ل ئوردن.
3- تە چەند ئەلبوم هەنە؟ - من ٦ ئەلبوم هەنە و من بەشداری د چەندین ئەلبومێن جودا جودادا کرینە کو د تایبەتن ب زاروک و کەیفخوشی و کومەلەکا سترانێن تاک و کلیب.
4- وەکی ئەم د زانین دگەل ستران گوتنێ تو هاریکاریا کەسێن پێدڤی دکەی، پەیوەندیێن تە دگەل رێکخراو و وەلاتێن دی یێن جیهانێ چەوایە؟ - من چەندین پەیوەندی هەنە دگول رێکخراوێن مروڤی و هاریکاری ل سەرانسەری جیهانێ و هەست پێدکەم ئەرکێ منە وەک هونەرمەند هاریکاریا زاروک و ژن و زەلامێن پێدڤی بکەم د ڤێ جئهانێدا.
5- هزرا سەرەدانا کوردستانێ چەوا بوتە چێبو؟ - کوردستان وەلاتەکە حەژێدکەم و حەش خەلکێ وێ دکەم و من پشتەڤانکەێ مەزن هەیە ل کوردستانێ، دەمێ رێکخراوا (رحمة بلا حدود) پێشنیار کری بەشداریێ د چالاکیا واندا بکەم ل کوردستانێ ئەز دوو دل نەبووم و گەلەک خوشحالبووم ب سەرەدانا من بو ڤی وەلاتێ باش و مەرد.
6- هەلویستێ کوردان بەرامبەر سترانێ چبوو؟ - ئەڤی کاری کارداناوەیەکا مەزن هەبوو، گەلەک نامە گەهەشتنە من ژ پشتەڤانان ژ کوردستانێ و ستایشا ڤی کارێ من دکر، من هەست ب کەیف خوشیا وان یا مەزن کر ژبو ڤی کاری ب هەڤکاری دگەل هونەرمەند ئەیاد محەمەد ئەوێ ب کوردی سترانێ دبێژیت. ئەڤ هەڤکاریە روحا ڤیان و براینی و مروڤایەتیە دناڤبەرا کورد و عەرەباندا دیار.
7- وەکی ئەم د زانین هەوە ل هەولێرێ ئاهەنگەک هەبوو، جیاوازیا وێ دگەل ئاهەنگێن دی یێن تە پشکداری تێدا کری چبوو؟ کوردان چەوا بخێرهاتنا تە کر؟ - دەمێ دەست پێکێ گەهەشتیمە کوردستانێ من هەست ب مێهڤان پەروەری و ڤیانا مەزن و ئارامیا روحی کر دناخێ خودا و ل دەمێ لسەر ستەیجێ راوەستیایم من هەست ب ڤیان و کارڤەدانا مەزن یا پشتەڤانان کر و من حەزکر سەرەدانەکا دی بو کوردستانێ بکەم و هیڤیدارم ل نێزیک بیت.
8- پەیوەندیا تە دگەل هونەرمەندێن کورد یا چەوانە و تو هونەرێ کوردی چەوا دبینی؟ - ئەز پێکولا دکەم گەلەک پەیوەندیان دگەل هونەرمەندێن جیهانێ و بتایبەتی ل کوردستانێ دروستبکەم، چونکی هەست دکەم کێماسیەک یا هەی د پەیوەندیاندا دناڤبەرا هەنەرمەندێن کورد و عەرەب و هونەرمەند ئەیاد محەمەد ئێک ژ وان هونەرمەندێن زیرەک ل کوردستانێ.
9- تە هونەرمەند ئەیاد محەمەد چەوا نیاسی؟ - د دووماهیک سەرەدانا من دا بو کوردستانێ من ئەیاد محەمەد نیاسی و ئەز سەرسام بوم ب دەنگ و کەسایەتیا وی.
10- ئاستەنگێن ئامادەکرنا کلیبا یا جمیلا چبوون ؟ - ل دەست پێکێ چەندین ئاسدتەنگ هەبوون، وەکی نڤێسیان پەیڤێن کوردی یێن دروست ل سەر وێ ئاوازا مە پێشکێشی ئەیاد محەمەد کری کو دوی دەمیدا پەیڤ هەمی ب زمانێ عەرەبی بوون، نڤێسیان پەیڤێن نەی ئەک بوو ژ گرنگترین تشتا سوپاس بو خودێ. و یا دی ژی پاش ئێخستنا کلیبکرنا سترانێ بوو ل سالا ٢٠٢٠ بو ٢٠٢١ ژ ئەگەرێ کورونایێ، سوپاس بو خودێ مە ب دووماهیک ئینا ب هاریکاریا مەزن یا هونەرمەندێ جوان ئەیاد محەمەدی سوپاس و ڤیان بو وی.
11- تە پلان هەنە سەرەدانا کوردستانێ بکەی؟ ئەرێ ئەڤە دووماهیک کارێ تەیە ب کوردی یان کلیلەکە بو کارێن نوی؟ - بێگومان من پلان یا هەی جارەکا دی سەرەدانا کوردستانێ بکەم و ئەڤە دووماهیک کارێ من نابی، دبیت خوفێری پیچەک کوردیێ بکەم و ئەز بخو ب کوردی ئەڤ جارە سترانێ بێژم.
12- پەیڤا تە بو پشتەڤانێن تە یێن کورد. - رێز و ڤیان بو پشتەڤانێن کوردستانێ، گەلەک (بە پەروشم) بو دیتنا پشتەڤانێن خویێن کورد و هیڤیا من ئەوە ل نێزیک بیت.