سالح ئەرتیسی
——————
د ھەلبژارتنێن تورکیادا ماف ب ٣٦ پارتا ھاتییە دان، تاکو ٩ ێ نیسانێ ٢٦ پارتا لیستێن خوە پێشکێشی کومسیونێ کربوون و ١٠ پارتێن دی دێ ل سەر لیستا ( AKP) و (CHP) ێ بەژداربن.
دڤێ ھەلبژارتنێ دا ٦٨ ملیون و ١٩١ ھزار و ٢٨٥ کەس ل تورکیا دێ دەنگی دەن، ٦٠ ملیون و ٩٠٤ ھزار ٤٩٩ د نافخوییا تورکیا دا و ٣ ملیون و ٢٨٦ ھزار و ٧٨٦ دەنگەدەر ژی ژ دەرڤەی تورکیا.
یا دیارە کو دو ھەلبژارتن دێ ل تورکیا ھێنە ئەنجامدان ئێک بو سەروک کوماریێ و یا دوێ بو پەرلەمانی
دڤان ٣٦ پارتاندا سێ بەرەیێن سەرەکی ھەنە ژوان :
- بەرەیێ ( کوماری) کو نوکە د دەستھەلاتێ دانە و ژ شەش پارتا پێک دھێن، یێن سەرەکی پارتا( داد و گەشە پێدان AKP) و ( نەتەوە پەرستیا تورکیا MHP) ب سەروکاتیا دەولەت باخچەلی، کو بەربژێرێن وان بو سەروک کوماریێ ( ئەردوغانە)
- بەرەیێ مللەت( گەل ) ب سەرکێشیا کلچدار ئوغلوی
پارتا (Baş ) ب سەروکاتیا مەرال ئاکشەنەر، پارتا ( سەعادەت SAADET) ب سەروکاتیا کەمال کەرەم ئوغلو، پارتا ( ئایندە ) ب سەروکاتیا ئەحمەد داود ئوغلو و پارتا ( دوز) ب سەروکاتیا عەلی باباجان.
بەربژێرێ ڤان پارتا بو سەروک کوماریێ ( کلچدار ئوغلو) یە. - بەرەیێ ( کەد و ئازادی ) ب سەرکێشیا (HDP) ێ ب سەروکاتیا ( پەروین بولدان و میتھات سانجار) کو بەربژێر ژبوی سەروک کوماریێ نینە، یا دیار دیسان کورد ل سەر چەند بەرەیان دابەش بوونە لایەنگرێن ( HDP) ێ ژبوی سەروک کوماریێ دێ دەنگێ خوە ب ( کلچدار ئوغلوی) دەن و لایەنگرێن ( huda par) ژی دێ دەنگی ب ( ئەردوغان) دەن، کو دو پارتێن ب ھێز یێن کوردا نە.
من د ڤان چەند روژان دا بەرێخودا ھەوا ھەلبژارتنا یا پترییا پارتێن تورکی دیسان یێن ( HDP) ژی، ھەوا د ناڤا باژێراندا و مێزگەردێن تیڤی و سوشیالێ.
ژبووی سەرکەفتنێ چ تشت نەمان ( Ak parti) ب سەرکێشییا ئەردوغان و ( CHP) ب سەرکێشییا کلچدارئوغلو، نە بێژن و نەکەن.
ھەر ئێک ژ وان جوودا خوە دکەتە رەڤێشتا پێغەمبەرا و خەلیفە وەکیلێن خودێ، یێن ب حەج و عومرە و ختمێن خوە بەشەکێ مللەتێ دیندار سەردا دبەن.
ھەر ئێک ژوان جوودا یێ خوە دکەنە قارەمانێ خلاسکرنا تورکیا ژ قەیران و پارچەبوونێ، دیسان AKP یا خوە دکەتە میراتگرێ ئوسمانیا و ئاخا ١٠٠ سالێن بووری ژ دەست دای ( وەک حەو شبێژن) دێ ڤەگەرینیت، بەشەکێ مللەتێ نەتەوە پەرێس پێ د خاپینن.
ھەر ئێک ژوان جوودا یێ خوە دکەتە، برا بابێ کوردان، دێ مافێن کوردان دەنێ بەشەکێ ھەرە مەزنێ کوردان ژی ب ڤان سلوگانێن بریسقەدار د خاپینن.
کوردێن ئێک لاکەرێن ھەمی ھەلبژارتنێن تورکیا دبێ سەروشین و د ھەلاویستی نە، ئەگەر چییە؟
- ئەگەر ئەم تەماشەی ئەندام پەرلەمانێن AKP بکەین، پتری ٣٠ ئەندام پەرلەمانا کوردن، ئەگەر ئەم تەماشەی ئەندام پەرلەمانێن CHP بکەین، پتری ٢٠ ئەندام پەرلەمانا کوردن و ب دەنگێن کوردان بووینە ئەندام پەرلەمانێن ڤان پارتا، دناڤ ڤان پارتییاندا ئەندم پەرلەمانێن کورد زیرەکتر و سیاسەتمەدارتر ب پلان ترن بوو پارتا د ناڤدا، لێ ب کێر خوە ناھێن و د زیزن
- ژ ئەگەرێ سیاسەتا خەلەت یا پککێ، ھزرا نەتەوەی، کوردایەتی، پیروزی، یێت مرین د ناڤ جڤاکێ کوردی دا، د ھەمان دەمدا سەرکێش و سیاسەتمەدارێن کوردان تایبەت HDP ێ خودان بریارا خوە نینن نەشێن پلانەکا ب ھێز و سیاسی دارێژن و بکەنە بەرنامێ خوەیێ ھەلبژارتنا ژبەر قەندیل و سەرانێن پککێ، ئەڤێ ژی وەکریە کو کوردێن ئێکلاکەرێن ھەمی ھەلبژارتنێن تورکیا د پرت و بەلاڤ و بێ پلان و د زیز بن، ستوویێ وان ل سەر مللێن وان بیت و مافا ژ ھەردو پارتێن Ak پارتی و CHP بخازن.
- ئەوێن فروکێن وان روژانە زاروکێن کوردا، لاوێن کوردا خورتێن کوردا، دکوژن و مزگینیێ د دەنە گەلێ خوە مە ئەڤرو ھندە تروریست کوشتن و ب وان مزگینیا دەنگا د بەن، رێکە خوەشکەرێن ڤێ چەندێ دیسا سیاسەتا خەلەت یا شورەشا چەکداری ی چیا و شکەفتا یە د چەرخێ زێرین دا، کو تا نوکە نەشیاینە باندورا خوە ل سەر سیاسەتا تورکیا بکەن.
- پرت و بەلاڤبوونا پارتێن کوردی و ئێک نەگرتنا وان، ڤێ چەندێ دیسان وەکریە کو دەنگێن کوردا بوو پارتێن دژبەر و نەتەوە پەرێس بچن
- نەبوونا پشتەڤانیێ ژلایێ زەنگین کورد ڤە کو پترییا وان مالێ دونیایێ زمان و کەلتور و رەڤێشتا وان ژبیر برییە، کو ب پلان دھێنە زەنگین کرن ب رێکێن جودا ژ کوردبوونێ دشوون، سەرەرای کو پشتی ھنگی گەلەک ژ وان ب تومەتێن جودا زیندانی دکەن.
- نەبوونا رەخنەکا ئاڤاکەر ژ لایێ سیاسەتمەدار و زانا و نڤیسەر و روژنامەڤانێن کورد ڤە ل دور خەلەتیا ( سیاسی و چەکداری ) یا کوردستانا باکور، کو د ھەردوکان دا شکەستن ئینایە