هەردوو پەرتووکێن (20 هۆزان بۆ زاڕۆکێن ئێزدییان) و ( 20 کورتە چیڕۆکێن پەروەردەیی بۆ زاڕۆکێن ئێزدییان)
ژ نڤیسینا (جیریە غازی کرێت)
ل سالا 2025 چاپا ئێکێ هاتییە بەلاڤکرن و کەڤتییە بەردەستێن خواندەڤان و زاڕۆکان.
ژ لایێ ناڤەڕۆکێڤە هەردوو پەرتووک دەربڕینی ژ داب و نەریت و ڕێ و ڕەسم و جەژن و هەلکەفتێن ئێزدیان دکەن و ب شێوەیێ هۆزان و چیڕۆک هاتینە دارێژتن، داکو زاڕۆکێ ئێزدی ب ڕێکا چیڕۆک و هۆزانێ بشێت ب شێوەیەکێ ئاسانتر پێزانینان ل دۆر جەژن و هەلکەفت و هەر دیاردەیەکا گرێدای ب جڤاکێ ئێزدیان بت وەربگریت.
ژ لایێ ڕۆخسارێڤە ژی پەرتووک ب شێوەیەکی کورت هاتینە دارێژتن و ب زمانەکی سادە کو زمانێ ڕۆژانەیە و هەر کەسەکی بخونت دێ ب سەناهی د ڕامانا پەیڤان گەهت. هەردوو پەرتووک ب وێنەیێن ڕەنگا و ڕەنگ هاتینە کێشان کو دەرببڕینێ ژ ناڤەڕۆکا بابەتی دکەن و ئێکەتییا بابەتی د هەردوو پەرتووکاندا هاتییە پاراستن.
