وەزارەتا نەفتا عیراقێ رازیبونا خۆ نیشادایە 50 ملیون لیترێن نەفتا سپی بۆ هەرێما كوردستانێ بهنێریت كو حەفت ملیۆن و 900 هزار لێتر بۆ پارێزگەها دهۆكێ نە.
ل دویڤ نڤیسارەكێ كو ل رۆژا چواری ڤێ هەیڤێ ل وەزارەتا نەفتا عیراقێ دەركەڤتییە، تێدا وەزیرێ نەفتێ و رێڤەبەری دابەشكرنا سوتەمەنی رازیبووینە ب دابینكرنا 50 ملیون لیترێن نەفتا سپی بۆ پارێزگەهێن هەرێما كوردستانێ.
ل دویڤ زانیارییان، بەهرا هەر پارێزگەهەكا هەرێما كوردستانێ ب ڤی ئاوایێ خوارێیە:
-پارێزگەها سلێمانی و ئیدارا گەرمیان و راپەرین سەرجەمێ هناردەكرنێ دبیتە 21,500,000 ملیون لیتر، كو د ئیك روژدا زێدەتر ژ 252 هزار لیترێن نەفتا سپی دهێت بۆ وان سێ جهان.
– پارێزگەها هەولێر زێدەتر ژ 15,800,00ملیون لیتر بۆدهێن، كو روژانە دبیتە 180 هزار لیتر.
– پارێزگەها دهوكێ 7,900,00 ملیون لیتر، كو روژانە دبیتە 108 هزار لیتر.
پارێزگەها هەلەبجە 5,250,000 ملیون لیتر كو روژانە دبیتە 36 هزار لیتر.