بێوارحسێن زێباری، هه‌ولێر:
مسرو بارزانی، سه‌رۆكێ حكومه‌تا هه‌رێما كوردستانێ ژ ده‌ستپێكا كابینا نه‌هێ و تانوكه ژی كه‌رتێ كه‌شتیاری گرنگییه‌كا زۆر پێ دایه و گوهۆڕین ب سه‌ر ڤی كه‌رتی دا هاتینه كرن،ئه‌ڤه ژی هه‌موو هه‌وڵ و بزاڤێن وی بووینه بۆ هندێ كو ده‌ڤه‌ر نه تنێ ب داهاته‌كێ بهێته گرێدان نموونه( نه‌فت) به‌ڵكو زۆر تر د كه‌رتێن دی دا ژی پێنگاڤێن باش هاتینه هاڤێتن بۆ هندێ خه‌لك ببیت خودان كار و هه‌م ژی ده‌ڤه‌رێن مه بۆ خه‌لكی بیانی بهێته نیشاندان، كو كوردستان خودان دیرۆك و كه‌لتوور و مێژوویا خۆیا ڕه‌سه‌ن و جهێن كه‌ڤنار و پیرۆزه.
د به‌رده‌وامییا، گۆتارێن برا گه‌وره‌یی یێن جودا جودا دا ته‌ركیز كریه ل سه‌ر ڤان جۆره كه‌رتانه كو دڤێت ل گۆڕه‌یێ قه‌بارێ خۆ زێده‌تر خزمه‌تا وان بھته كرنێ، وه‌كو:(چاندن، كه‌شتیاری و پیشه‌سازی …..هتد) و ئه‌ڤه دگه‌ل یێن دیتر ژی كو هه‌رده‌ما د پلانا وان دابوویه بۆ زێده‌تر به‌رێ گه‌شتیاران بده‌ن هه‌رێما كوردستانێ د هه‌ر چوار وه‌رزان دا.
ئایا دێ کاریگەری ھەبیت ژ ڕویێ گەشتیاری و ئابووریڤە؟ ئه‌ڤه ی وێ چه‌ندێ دگه‌هینی كو به‌رده‌وام ب هه‌جه‌تا هه‌بوونا به‌رده‌وام یا بوردومانێن توركیا، ل سه‌ر وان جه و ده‌ڤه‌رێن زێده‌تر چاندن و كه‌شتیاری، كو باره‌گایێن په‌كه‌كه‌ی ل وان ده‌ڤه‌ران هه‌ینه و لێ حوكومه‌تێ زێده‌تر كار ل سه‌ر وێ چه‌ندێ ژی كریه و به‌رۆڤاژی خه‌لك نوكه ب ڕێژه‌كا زێده‌تر قه‌ستا ڤان ده‌ڤه‌رانه دكه‌ت.
به‌لێ ئەگەر ئەم خاندنەکێ بکەین بۆ دەوڵەت و دەڤەران دبینن ھەر ئێک ژ وانا ژ ڕوییەکێڤە یا زەنگین و ناڤ و دەنگە، لەوما مە ژی دڤێت زێدەتر خاندنەکا ئابووری و گەشتیاری و دیرۆکی بکەین بۆ ھەرێما کوردستانێ کو یا زەنگینە و ناڤ و دەنگەکەک ئێکجار ژی ھەیە، ئەو ژی ل ڤێ داویی دا کو پشتی ئەو شەڕێ ھەبوونا پەکەکە و تورکیا، ڕاستە ئەو شەڕە نە یێ ئەڤرۆ و دوھی یە، بەلێ د ڤان ساڵانه دا زێدەتر د وەختەکێ دایە کو ھەم دەم دەمێ سەرەدانا گەشتیارانە و ھەم ژی ژ ڕویێ ئابووری ڤە کو ئەڤ دەڤەرێن ھەنێ زەنگینن و کەڤتنە بن ئەڤی شەڕی.
تورکیا و پەکەکێ کو زۆر جاران ل جادەیێ دھیێتە بھیستن کو پەکەکە بخۆ ڕێکخۆشکەرەکە بۆ ھاتنا تورکیا ..؟ ئەرێ ئەڤ دەستەواژا ھەنێ ڕاستە و چەند ڕاستیە ژی ..؟
بێگومان وایە ئەگەر نە پەکەکە بخۆ ب سەر باکوورێ کوردستانێ یە و بلا بچیت وان دەڤەرانە ژێر دەستێ تورکیا ڕزگار بکەت، ژ ھەموو لایەکێ ڤە کەفتیە ژێر دەستێ وان و ھەتا بگڕە ژ زمانێ دایکێ نکارن باخڤن ژی.
ئەڤە تنێ نموونەک بچووک بوویە دەربارێ وانا، لێ ئەگەر وەکی مە گوتی ڕاست بکەت، بلا بچیتە جھێ خۆ نەک تورکیا زێدەتر بکێشینتە ناڤا ئاخا پیرۆزا کوردستانێ و شەڕێ خۆ لێرە ژی بکەت.
ئەم زێدەتر ئاماژە نادەینە شەڕی، چونکی یا مە دڤێت تیشک بێخینە سەر ھندێ کو ژ ڕویێ ئابووری و گەشتیاری و دیرۆکی ڤە، ئەو ژی نوکە ئەڤ شەڕێ ھەنێ مە ئاماژە دایێ ئەوە کو ئەو بخۆ بوویە کاریگەر ل سەر ھاتنا ڕێژا گەشتیاران، لێ دبیت ئەم بێژین ئەڤ ڕێژا ھەنێ چ وەسا کێمنەکریە دبیت وەسا بیت، بەلێ ئەڤ شەڕە نەبیت ل دەڤەرێن ھەنێ کەواتە ڕێژا دوو جارا ھند دبیت زێدەتر قەستا ڤان جھانە کربا .
ژبلی ھاتنا ڕێژەکا ئێکجار زۆر ژ ڕویێ ئێمناھیی و سەقامگیریا دەڤەرێ ژی تێکدایە و بوویە سەدەم کو خەلک کێمتر قەستا ڤان جھانە بکەت یان نه، ژ بەرھندێ ژ ڕویێ ئابووری و ھەم ژی ڕویێ گەشتیاریڤە بوویە کاریگەری و نە ئارامیەک ژی دروست بوویە، لەوما د ڤێت چەند زوویە و دبیت حکومەتا ھەرێما چەندین پێنگاڤ ھاڤێت بن بۆ ئارامییا دەڤەرێ، بەلێ ئەڤ شەڕە، ب شەڕەکێ نیڤدەلەوتی دھێیتە قەلەم دان و چەند زوویە پەکەکە خۆ ڤەکێشیی دا زێدەتر زەڕەو زیانێن زێدەتر نەگەھنە خەلکێ سڤیل و نه‌هێته كوشتن.
دەڤەرا بەھدینان بکەینە نموونە وەک قەزایێن ئاکرێ و ئامێدییێ، ئەو ژی نوکە دا دەم دەمێ متایێ ھشک و پێشتر ژی یێن تەڕ بوویە، کو خەلکێ دەڤەرێن وان ب دروستی و ئارامی نەکاریە قەستا ئاقارێن خۆ بکەن و بۆ دەستڤەئینان بەرھەمێ خۆ یێ چیایی و ڕەز و باغێن خوە، بەرھندێ ئەڤە نیشانە بۆ ھندێ کو ژ ڕویێ گەشتیاری و ئابووری ڤە ژی بوویە ئەگەرێ ھندێ خەلکێ مە زەڕەرمەند بیت. چەندین کەس ژی بووینە قوربانی کو شەھید و بریندار بووینە ژ ژبلی ده‌ست دانا وارێن خۆ.
ئەڤا ھەنێ ھەموو ئێک بوو ژ ئەگەرێن کاریگەر و بووینە سەدەم ژی بۆ تێکدانا ئارامیا دەڤەرێ، بەلێ نوکە ئەگەرەک دیتر ھەیە بۆ ھندێ کو کاریگەریا ڕاستەخۆ ھەبیت ل سەر ھەرێما کوردستانێ گشتی نەتنێ ڕویێ ئابووری و گەشتیاری بیت بەلکو د وارێن دیتر ژی.
ئەڤە بەری ئەم بەحس کاریگەریا وێ بکەین، ئەوە ئێکەمجار خەلکانەک ھەیە دبێژیت باشبوو ئەرزان بووی، چونکی چەندین ساڵە مە بەڕە قەستا دەرڤە بکەین شیانێن مە دا نەبیت. لێ ئەڤە تنێ بۆ ھندێ کاڤی نینە، چونکی زیانا وێ زێدەتر ژ مفایێ وێ، ئەو ژی ئەوە کو ئەڤ بھایێ ھەنێ دبیتە کاریگەریەکا ئێکسەر ل سەر بازاڕی ھەبیت ژ ھەموو ڕویەکێ ڤە.
ئەڤ بازاڕە ژی لێرە خەلک دێ خوە دەست گرتی کەت بۆ ھندێ داھاتەکێ بخو کۆمڤەبکەت بۆ سەرە دانا نموونە تورکیا کو مەگوتی ئەو گوھۆرین د بھایێ ڤیزا واندا بھیتە کرن و چەند دەولەتێن دیتر ژی کارئاسانکاری ھاتنە کرن، دبیت ئەڤە مفایێن خۆ ژی یێن ئابووری و گەشتیاری و بازاڕکرنێ ھەبن، بەلێ وەک دیتنەک دبینم زیان و کاریگەریا خۆ زیدەتر ل بازاڕین مە ھەبیت.
ئەڤ داھاتێ کەڤیتە دەستێ خەلکێ مە دا لێرە ناھێتە بکارئینان و بازاڕ پێ ناھێتە کرن و دێ بەنە دەرڤە کەواتە ل وی دەمیدا زیان گەھیتە ڤان وارێن مە ئاماژە دایێ کو دڤێتە ئەڤ چەندە بەرچاڤ بھێتە وەرگرتن و مفا ژ وێ چەندا ھەنێ ببین.
حکوومەتا کار کریە، بەلێ دڤێت زێدەتر کار ئاسانکاری بۆ وەلاتیین مە و گەشتیاران بھێتە کرن بۆ ھندێ مفایەک بۆ بھێتە دیتن.
Comments are closed, but trackbacks and pingbacks are open.