ئابوور و گرنگیا گەشتوگوزارا نوژداریێ
گەشتوگوزارا نوژداری ئێک ژ تایێن توریزما ساخلەمیێ یە،کو د ڤێ توریزمێ دا کەسەک ل ناڤەندەکێ یان ژی وەڵاتەکێ دیاریکری و ب شیانێن باش یێن دراڤی دێ قەستا وەڵاتەکێ دیتر کەت کو ژ لایێ ساخلەمیێ و دەرمانی ڤە د ئاستەکێ باشترێ شیانێن وەڵاتێ وی کەسی دا بیت.
گەلەک دەما مەرەم ژ توریزما نوژداری وەرگرتنا چارەسەریەکا ئەرزانتر یان ژی بلەزترە و ب بهایەکێ کێمتر ژ یا وەڵاتێ کەسێ گەریدە.
توریزما نوژداری جداهیا خۆ هەیە ژ توریزما ساخلەمی؟ چونکی د گەریانێن نورمال دا کەسەک ژ وەڵاتەکێ نەگەشەکری دێ قەستا وەڵاتەکێ پێشکەفتی و گەشەکری کەت و ب تنێ ئەگەر ژی ئەوە کو ل وەڵاتێ وی کەسی ئەڤ جورە خزمەتە نینە.
لێ د توریزما نوژداری دا ئەو کەسێ ژ وەڵاتێ خۆ دچیتە وەڵاتەکێ دیتر ئەگەر ئەو نین کو خزمەتا وەڵاتێ ژێ دبیتە مێهڤان پترە ژ یا ناڤا وەڵاتێ وی دا لێ ب تنێ ئەگەر ئەون کو توریزم حەز دکەت بەرەڤ وەڵاتەکێ دیتر بچیت.
چەند نمونەک ژ پێشکەفتنا وەڵاتێن عەرەبی ژ لایێ نوژداریڤە:
دوبەی د ناڤا وەڵاتێن عەرەبی دا ل ڕێزا ئێکێ دهێت و ل سەر ئاستێ جیهانێ ژی د ڕێزا 6 دایە.
ئەبوزەبی ژی د رێزا دوویێ دا ل سەر ئاستێ وەڵاتێن عەرەبی دهێت و یا د ڕێزا 9ێ دا ل سەر ئاستێ جیهانێ.
عومان ژی ل سەر ئاستێ وەڵاتێن عەرەبی د ڕێزا 3یێ و ل سەر ئاستێ جیهانێ د ڕێزا 13 دا دهێت.
ڕەوشا ساخلەمیێ ل کوردستانێ د چ ئاست دایە؟
یا دیارە کو بێی شروڤا ئابووری هەر کەس دشێت ڤێ ڕاستیێ ب چاڤ بینیت کو ڕۆژانە ب سەدان کەس ڤی وەڵاتی بەرەڤ ئیران و ترکیا و هندستانێ و ئوردنێ و دەهان وەڵاتێن دیتر ب جهـ دهێلن ژ بۆ وەرگرتنا چارەسەریێن نوژداری کو ب تنێ وان مەرەم پێ وەرگرتنا چارەسەریانە نەک تشتەکێ دیتر و ئەگەر ژی بۆ بەرەلایا د ئاست ڕێڤەبرنا ڤی وەڵاتی دا ڤەدگەریت د هەمی ئاستان دا و ب تایبەت د ئاستێ سەرۆکاتیا وەڵاتی دە.
بۆچی خەلکی پشت دایە نوژداریا کوردستانێ؟
- گرانبوونا بهایێ چارەکرنێ د چاڤ وەڵاتێن جیرانڤە.
2.کێم دەرامەتیا خەلکی.
3.نەبوونا باوەریێ ب نوژدارێن کوردستانێ.
4.نەبوونا یاسایا پاراستنا مافێ نەخوشی یان ژی کارپێنەکرنا وێ.
5.نەهێلانا خزمەتا نەخوشخانێن حکومەتێ و گوهرینا وان ب نەخۆشخانێن تایبەت و ئەهلی کو یێن خۆدان دەسهەڵات و ڕێڤەبەرێن ڤی وەڵاتینە.
6.ڕێزنەگرتن ژ نەخۆشی و لایەنێ وی یێ دەروونی.
سەردار هێتوتی، ماستەر د ئابوورێ دا
Comments are closed, but trackbacks and pingbacks are open.