سالار محمد فتاح
ھەردەم دیرۆک، چاند، و ھونەر دبنە بنەکوکێ نەتەوەیان، و دەولەت ل سەر کەلواشێ نەتەوەبوونێ دھێتە دامەزراندن، ژ بەر وێ یەکێ بێریزی کرن ل ھەمبەر دیرۆک و چاندا نەتەوەیان، نیشانا نەبوونا ئەخلاقی یە. ئەم ل ھەمبەر پیروزیێن خوە بێ ھەلویست ماینە، گەڵو وێ کی ڕێزی ل پیروزین بێ ھەلویستان بگرە. ئەم مللەتەک خوەدی دیروکا ھزاران سالینە، ھەر ژ بەری دامەزراندنا شارستانیەتا واشوکانی تا ھێزداریا ئیمبراتوریەتین میدیا و کاردوخی و تا د گەھیتە مێرنشین بابان و بادینان، و پاش دەرکەڤتنا شوڕەشێن ئێک ل دیڤ ئێکن چەرخێ بیستیێ ئەم ھەبووینە، و مە شورەشێن ب شیر و تفەنگان کریە، بەلێ تا نوکە مە شورەشێن ھزری و و بەرسڤدانا بێ ڕێزیان ل سەر خاک و نشتیمانێ خۆ نە کریە. ئێک ژ خالێن ھەری لاواز یێن گەلێ کورد کو د بیتە ھوکارێ نە دامەزراندنا دەولەتا سەربەخۆیا کوردی د جیھانەکا گلوبال کریدا ئەڤەیە (کورد د کوردبوونا خو دا خودان ھەلویستەکێ بێدەنگە ل ھەمبەر داگیرکاریێ).
ئەڤرۆ ل ھندەک وەلاتان و ژ لایێ ھندەک ئالیێن دوژمنکار ڤە بێ ڕێزی ل ھەمبەر پیروزین کوردستانێ د ھێتە کرن ژ وانا کومارا ئارارات کو ئێکەم کومارا سەربەخۆ یا کوردی بوویە ل سالا ١٩٢٧، جھێ دامەزراندنا ڤێ کومارێ ل چیایێ ئارارات بوویە… بەلێ ژ دەرئەنجامێ بێ ھەلویستیا مە، و نە شارەزایا مە دەربارەی دیرۆکا مە و نشتیمانێ مە ئەڤرۆ ب شێوەیەکێ ئاشکەرا بێ ڕێزی ل ھەمبەر پیروزین مە دھێتە کرن. ئەڤە د دەمەکێ دا دھێت کو ئێک ژ کومپنانیایێن دڕوستکتنا چگاران یێن وەلاتێ ئەرمەنستانێ کو پارچەکا کوردستانێ ل وێری ھاتیە داگیرکرن ژ لایێ ئەرمینیان ڤە، ناڤێ ئارارات ل سەر چگارێن خوە دانایە. ژ لایێ شلوڤا سیاسی ڤە ئەڤ رەفتارە ب سوتنا ئاراراتی دھێتە شلوڤەکرن، و وەک بێ رێزیەک ل ھەمبەر خاکا کوردستانێ دھێتە ل پێنوسدان.
بەلێ یا سەیرتر ژ ڤێ، ئێک ژ ماموستایێن فێرکار ل ئێک ژ زانینگەھێن کوردستانێ کو ژ نەتەوا ئەرمەنی یە، دەمێ سەرەدانا ئەرمینیان دکت، و د زڤریتە ڤە وان چگاران دگەل خو دینیت و وەک دیاری پێشکێشی ھندەک ژ ماموستایێن کورد یێن وێ زانیگەھێ دکەت.
مللەتێ کورد مرۆڤدوست و خوەدی ھەلویستەکێ مرۆڤایەتی یە ژ بەر وێ یەکێ پێتڤیە ژ لایێ داگیرکاران ڤە ئەڤ یەکە بھێتە ڕاوەستاندن و رێزی ل پیروزی و سەروەرین گەلێ کورد بگرن.
- دکاری هەموو بابەتێن خۆ ببینی لیرە بەلاڤبووی
Comments are closed, but trackbacks and pingbacks are open.