کەرم محمد شەریف
ڕۆمان ژانڕەکێ ئەدەبیێ بەرفرەھ، نوی و سەردەمیانەیە، کو ل پشتی سەردەمێ ڕێنساسێ سەرھلدایە، د نوکەدا کاریگەرترین ژانڕە. ڕۆمان ڕێکخۆشکەرەکێ مەزنە بۆ دەستنیشانکرنا و چارەسەرکرنا ئاریشێن جڤاکی، چونکی ئەو ب خۆ ڕەنگڤەدانا جڤاکییە.
ب دیتنا من ڕۆمانێ ئەرکەکێ گەلەگ باش و جوان ھەیە ل جیھانێ ھەمیێ، چونکی بویە ئەگەرێ چارەسەرکرن و دیارکرنا گەلەگ ئاریشان، لەوڕا ب چاڤەکێ گەلەگ مەزن بەرێخۆددەنە ئەڤی ژانڕی، بەلێ ب مخابنیڤە ب گشتی دەڤ کوردا و تایبەتی ل دەڤەرا بەھدینان ب چاڤەکێ کێم دبینن و نڤیسەرێن مە یێن گەنج ڕۆمان وەك ڕێکەکا بازرگانی ژ بۆ دەستڤەھینان داھاتەکێ دیتیە . وەکی ئەم دبینن ڕۆمان نوکەدا دبلنترین ئاستدایە و کاریگەرترینە ل سەرانسەری جیھانێ، بەلێ ل دەڤ مە، ل ئاستەکێ نزم دایە و ڕۆمانا مە د ئاستەکێ گەلەگ لاواز دایە، گەلەگ پەرتووکێن ب ناڤێ ڕۆمان ھەنە، بەلێ ڕۆماننڤیسێن ڕاستەقینە نینن. ھیڤیدارم ژ ئەوان کەسا یێن خۆ دکەنە ڕۆماننڤیس بلا ھەر دوو ساڵان ڕۆمانەکا ژ ھەژی و تامەکا کوردی بەڵاڤکەن، گەلەگ چێترە ھەر دوو ھەیڤا ئێکە بەس ناڤ ڕۆمان بەڵاڤکەی.
ڕۆمان ژانڕەکە ھەوڵا چارەسەرکرنا ھەمی ئاریشان یا کری، تا ڕادەکێ مەزن ژی سەرکەڤتنا ھینای، بلا ئەم ژی ژ ئەڤرۆ پێڤە ب چاڤەکێ مەزن ئەڤی ژانڕی ببینن، نە تنێ ڕێکەکا بازرگانی و دەستڤەھینانا داھاتەکێ، بەلکو ژ بۆ خزمەت و ناساندنا مللەتێ بیت.
- دکاری هەموو بابەتێن خۆ بنینی …
Comments are closed, but trackbacks and pingbacks are open.