نڤیسین :محەمەد ئەکرەم
مریەم خانا سترانبێژ د مێژوویا ھونەرێ کوردی دا جھێ خوە کریە و بوویە ستێرەکا گەش د ئەسمانێ سترانا وردی دا و خزمەتەکا زور و وارێ ھونەر و میوزیک و فلکلورێ کوردی دا کریە، ناڤێ وێ یێ درست (مریەم محمد ئەحمەدە ) ل سالا ( ١٩٠٤) ل دەڤەرا جزیرا بۆتان ژ دایک بوویە، د هەردو شێوازێن سترانێ ( لاووک و پەست ) دا ستران گۆتینە و شاڕەزایی هەبوویە، و ستران ب شێوازێ دوو قولی ژی گوتنە و دیسان ناڤبری د کار و پێشڤەچوونێنھونەریدا تۆشی چەندین بەربەست و ئاستەنگا بوویە و زۆر نەخۆشی دیتینە، لێ سەر وێ چەندێ ڕا مریەم خانا هونەرمەند، ب هێز و ئیرادەکا ئەڕێنی، شیا وان ئاستەنگا ببڕیت و کەسایەتیا خۆ وەکی هۆنەرمەندەکا مەز بسەلمینیت.
مریەم خان بەرەوف وەڵاتێ شامێ دچیت و بۆ دەمەکی ل باژێرێ دیمەشق دمینیت و پاشان لسالا ١٩٢٤ دهێتە باشوورێ کودستانێ و ل باژێرێ زاخو ئاکنجی دبیت ل سالا ١٩٣٠ سترانا دوتمامێ تۆمار دکەت، و مریەم خانێ زێەتر ل هەمی ژنێن سترانبێژێن کورد یێن وی سەردەمی ستران تۆمارکرینە و هۆنەرمەندەکا دەنگ خۆش و و جهێ شانازیا مللەتێ خۆ بوویە، وەکی ژنەکا سترانبێژ ل گۆڕەپانا هۆنەرێ کوردی دا خزمەت کریە و ژنەکا زیرەک و بلیمەت بوویە. ھەردیسان مریەم خان ئەڤیندار بوویە و زۆربەی سترانێن وێ، د وارێ دڵداریێ دا بوونە و سەرەرای دەستهەڵاتا ئەتاتۆرکی کۆ زمان و هۆنەر و فلکلۆرێ کوردی ل تورکیا هاتبوو قەدەغەکرن، لێ مریەم خان ببوو ھێزەک بوو رزگارکرنا لاوک و پەستە و ستران و ھونەرێ کوردی، ھەردەم ھەولدایە ھونەرێ کوردی پێشڤە ببەت، مریەم خان ل سالا ١٩٤٩ تۆشی نەخوشیەکا گران دبیت و ل دوماھیا ھەیڤا تەمووزێ وەغەرا داویێ دکەت ..
Comments are closed, but trackbacks and pingbacks are open.