لدرێژاهیا كار و چالاكیێن #لیژنارێکخستندویڤچوونوکونتڕۆلابازاری ل #قائممقامیاقەزائاكری، ئەڤڕۆ رۆژا ئێکشەمبی رێكەفتی 2022/6/19 ئامارا (5) هەیڤ و (19) رۆژێن بووری راگەهاندن، کو (9) تەن و (668) كگم كەل و پەل و دەرمان و گۆشتێ سۆر و مێلاکێن قەدەغەکری و دەم ب سەر چوویی یێن هشك و شل و جوانکاری یا ل کارگەها کۆمپانیا MRF هاتینە ژ ناڤبرن. د داخویانیەكێ دا بۆ دەزگەهێن راگەهاندنێ #شهابیاسین” سەڕۆکێ لیژنا #رێکخستنودویڤچوونوکونتڕۆلابازاری ل دەڤەردارییا ئاکرێ و بەرپرسێ #بنگەهێچاڤدێرییابازرگانیل_ئاكرێ، دیاركر كو ئەو كەل و پەلێن هاتین ژ ناڤبرن د هەیامێ بووری دا (9.668) تەن/كگم بوون، ژ وان (7.340) تەن /كگم كەل و پەلێن خوارنێ و ڤەخارنێ و جوانکاریان بوون و (١) تەن و (860)كگم دەرمان و (435) کگم گۆشتێ سۆر و مێلاک بوون، زێدەباری ماست وهێک و گۆشتێ سپی و سۆر و مێلاكا مریشكێ یا قەدەغەكری.
هەر د وێ داخویانیێ دا ناڤبری ئاشكەرا كر ژی
“كو ئەو كەل و پەل ژ لایێ هۆبا – ئابووری یا رێڤەبەری یا ئاساییشا ناڤ شار و دەوروبەر ل ئاكرێ و چاڤدێرییا بازگانی هات بوون وەرگرتن و دەستەسەركرن، لەورا ژی سوپاسی يا كارمەندێن ئاساییشێ و چاڤدێرییا بازرگانی كر ژ بۆ ئەرك و ماندیبونا وان و چاڤدێرییا بەردەوام یا بازاری، پێخەمەت پاراستنا ساخلەمییا گشتی یا هەڤوەلاتییان ل سنورێ ئاكرێ، هەر وەها سۆپاسییا وان فروشگەهـ و دەرمانگەهـ و دەرمانخانەیان ژی كر ئەوێن كەل و پەل و دەرمانێن خوە یێن دەم بسەرڤەچوویی رادەستی لایەنێن پەیوەندیدارێن لیژنا بلند كرین.
Comments are closed, but trackbacks and pingbacks are open.