سەلاح سندی- زاخۆ
ئالۆدەبوون د پێناسەیا ڕێکخراوا جیهانی یا ساخلەمییێ دا حالەتەکێ ژەهراویبوونا بەروەخت یان یا بەردەوامە، ب وەرگرتنا مادەەیەکێ بەردەوام یێ سرۆشتی، چێکری یان ژی نیمچەچێکرییێ نەهشییێ و زیانەکا بەرچاڤ دگەهینتە کەسی ( خوەیی ) و جڤاکی ب هەڤڕا و هەبوونا مەیلەکا سایکۆلووژی دگەل مەیلەکا فیسیۆلووژی دبنە ئەگەرێن خوە ڕادەستکرنەکا ب زانەبوون،.
لێ فەرە بزانین کو ئالۆدەبوون تنێ بۆ ماددەیێن نەهشییێ نینە، بەلکو هەر گرێدانەکا مرۆڤی ب کارەکێ نەسرۆشتی و زیانبەخش ڤە گرێبدت و ڤەقەتیان ژێ ب زووری و ب زەحمەت بت دچت د بن قادا ئالۆدەبوونێ ڤە، چونکی ئەڤرۆکە و د ڤی چاخێ پێشکەفتن و تەکنەلۆژیایێ دا و بتایبەت د جڤاکێن نەپێگەهشتی یان ژی نیمچەپێگەهشتی دا گەلەک ڕەنگ و جۆرێن ئالۆدەبوونێ پەیدابووینە وەک: ئالۆدەبوون ب مۆبایلێ، یارییێن ئەلکترۆنی، نێت و تا دگەهت یارییێن زیندی یێن وەک: دۆمینە، بلیکانێ و هتد، لەوڕا فەرە بزانین کا چەند یا گرنگ و پێدڤییە ڕێگرییێ ل ئالۆدەبوونا ماددەیێن نەهشییێ بکین هند یا گرنگە ب ڕێکا دەلیڤەیێن کاری و ڕاستەڕێکرن و ڕەوشەنبیرکرنا گەنج و لاوان ڕێگرییێ ل هەر ئالۆدەبوونەکا دیتر یا بێ مفا و پڕی زیان بکین و گەنجان ژ کۆشتنا دەمی و هزرئالۆزییێ دووربکین.
Comments are closed, but trackbacks and pingbacks are open.