✍️محمد مراد……….
حڪومەتا هەرێما ڪوردستانێ هیچ ڪەمتەر خەمی دڤان سالێن بوری دا نەڪری یه،لدور ئافاڪرنا باژێرا ژ هەمی لایەڪێ ڤە، هەمی باژێر نویبونا شەقام و تاور و موتێل و بازارێت جوان و مولا بخو ڤە دیتیه ،جهێ سەرنج راڪێشانا هەمی وەلاتێن دەوربەرە،ڪو پێشڪەفتنەڪا بەرچاف یا ئاڤەدانی ل هەرێما ڪوردستانێ بخوڤە دیتی؟یهم بتایبەتی د ڪابینا ڪاك(مسرور بارزانی دا ) و ل هەمی باژێرو گوندا خێر ژ ئاڤەدانیێ دیتی یە،و جهێ سوپاسیێ یە، لێ یا فەرو فەرتر ئاڤاڪرنا مروڤانە،دێ چەوابیت……
راستی ژی گەلەك بزحمەتە، هەڤال (گوهدار شێخو) والیێ زاخو دڪومبونەڪا خودا ،دان ب ئاڤاڪرنا باژێر کر، گوت باژێر یێ دهێته ئاڤاڪرن، ئەرێ ئه م دێ چەوا مروڤا ئاڤاڪەین…!!! ئەڤە یا بزحمەتە، چنڪو فاڪتەرێن ئاڤاڪرنا مروڤا زورن، و ئەگەرێن نەهێلانا ئاڤاڪرنا مروڤا ژی دزورترن،ژینگەها هەرێم تێدا دەرباز دبیت، ڪو فاڪتەرێ سەرەڪی مروڤێ ڪورد لێ ئاڤا نەبیت،چنڪو هەرێم سنوردار ڪریه،ژ لایێ دوژمنێت سەر سەختێت ڪوردا ڤه و چافێت وان وەڪی گورگان ل مروڤێ ڪوردە….،
ل هەر چەند رەخا هێرشێ دڪەن سەر ناخ و دەروونێ ڪوردا ڪو ئاڤا نەبیت لبن پەردێن سیاسی و ئابوری و ڪەلتوری وخێلەڪی هاندددن،دا ڪو قەد هزر ل ئاڤاڪرنا خو نەڪەت، هەردەم سەرقالی ژیانا سیاسی و ئابوری و خەونێت ئاشوپە ببن و هەبونا خو ژبیر بڪەت، وهندەك حزبێن سیاسی ژ فاڪتەرێن سەرەڪی نە د هەرێما ڪوردستانێ دا ڪار دڪەن، مروڤێ ڪورد بڪەن ڪویلە مژیلی هەڤرڪی و نە ڤیان و ڪه رب و ڪین و نەڤیانا وەلاتی بڪەن، ڪو ئاخ و نیشتمان و باژێر ل پێش چافێن مروڤێ ڪورد رەش ڪریه……
هەر چەند ئاڤەدانی هەبیت نابینن وەڪو (چافتت گای)لێ هاتینه تنێ پاتێ سور دبینن، هیچ تشتەڪێ نابینن. ژیانا مروڤێ ڪورد ڪرینه د قاپیشڪا ڪەزوانێ دا، و ژێ دەرناڪەفیت، ئەڤێ چەندێ و بو ئافاڪرنا مروڤێ ڪورد بەرنامه و پروژێن ئیستراتیجی پێ دڤێن،ڪو مروڤێ ڪورد خو ب ڪوردایەتی و نەتەوی ئاڤا بڪەت خو ب باژێر و خاڪا خو ڤەگرێ بدت و ژیانا خو لسەر دەستێ خو ئاڤا بڪەت، و نەمینیت ب هیڤیا ڤێ حزبێ و حزبا دیڤه و دەستا بو ڤی وێهه بقوتیت و خو ژبیر بڪەت ڪو نانێ سپێدێ نینە بخویت……
پەروەرده و زانڪویێن و پەیمانگەهێن ڪوردستانێ ژی دشێن رولێ هەرە مەزن دئاڤاڪرنا مروڤێ ڪوردا ببینن، چنڪو سالانه دە یان هزار قوتابی ژ زانڪو و پەیمانگەهێن ڪوردستانێ دەردڪەفن،ئەگەر ئەو بهێنه ئاڤاڪرن ب زانستێن سیاسی و ڪوردایەتی بێ شك د ماوێ چەند سالێن بهێن دا،مروڤێ ڪورد دێ ئاڤا بیت ژ هەمی لایەڪێ گرنگیێ ب فیانا وەلاتی بدەت، ژ لایێ ئابوری و ژینگەهی و دی بیتە پالدەرەڪێ سەرەڪی مروڤێ ڪورد حەژ گوند و باژێرێن خو بڪەت،و هەست ب هەبونا خو بڪەت،بەرامبەر هەر ڪاڕەڪێ نەرەوا د وەلاتی دا پەیدا بیت.نوڪە یابویە ڪەلتور دناڤ جفاڪی دا، چ هە بیت چ نە بیت،دێ بێژیت من شولەپێ یه، مروڤ سەر شەقاما بهێنه ڪوشتن، دێ بێژیت من شولە پێ یە،……
ئاگر بچییا بڪەفیت،دێ بێزیت من شولەپێ یە ، هەژار ژ برسا بمرن دی بێژن من شولەپێ یه، ستوینڪێن ڪارەبێ ئێك ببریت دی بێژن من شولەپێ یه، باژێر د گلێشی را بمینیت، دێ بێژن من شولەپێ یه، باجا گران ڪەن و سەدان ڪامیرێن پوین پوینت بهێنه دانان دبێژن مه شولەپێ یه،لدەوربەرێن باژێرا دە یان زالگە بهێنه دانان دێ بێژن مەشولە پێ یه،…
ئەڤە دیار دبیت ڪو مروڤێ ڪورد تنێ ڪویلێ بەژن بالا خویه، بەریڪا وی تژی بیت، شولەپ جیران و هه ڤالێ خو نینە، ئەگەر ژ برسا بمرت ، مادەم مروڤ ڪورد ئاڤا نەبویە و هەستڪرنێ دا لاوازە، ئەگەر هەمی باژێرێن مەشەقامێن وان بمەرمەری بهێنه رازاندن دێ هەر بێژن مه شولەپێ یە،
Comments are closed, but trackbacks and pingbacks are open.