وەرگێران : محەمەد گڤاری .
مرۆڤەک دبێژیت من قەستا خارنگەهەکێ کر بۆ کڕینا مریشکەکا سورکری ، وی دەمی مرۆڤەک هات و گوتە خۆدانێ خارنگەهێ مریشک ب چەندێ یە؟ ، وەکو دیار مروڤەکێ هەژارو بەلەنگاز بوو ، خودانێ خارنگەهێ گوت ب هەشت هزار دینارایە ، وی هەژاری پارێت خۆ هژمارتن بەلێ زانی پارێت وی کێمن و تێرا کڕینا مریشکا سورکری ناکەت لەوا گوتە خودانێ خارنگەهێ دێ شێی مریشکەکا ئەرزانتر بدەیەمن ، خودانێ خارنگەهێ سەرێ خۆ هەژاندو هەر ئێکسەر دەست هاڤێتە تێلەفونا خۆ دگەل کەسەکی ئاخفت و گرنژی و گەلەک کەیفاوی هات ، پشتی تێلەفوناخۆ دانای گوتە وی بەلەنگازی هاتنا تە یاخێرێ بوو تو مروڤەکێ چاکی خودێ هەر خێرا ب رزقێ تە بکەت ، ئەو کەسێ من تێلەفوناوی کری مزگینی دامن کو خودێ جێمکەکێ کورا یێ دایە من ڤێجا ئەڤە بۆتە مریشکەکا مەزن ژدەف من وەک دیاری بووتە و پارێ خۆژی ببە ژبەر هندێ کەیفا وی هات و گەلەک دوعا بۆ خودانێ خارنگەهێ کرن و رێکا خۆ گرت چۆ. ئەو مرۆڤ دبێژیت ئەز چاڤەرێ بووم دامریشکامن ژی ب دەتەف من ، من ژی گوتێ پیروزە خودێ تەمەنێ وان ل سەر چاکیاو باشیێ درێژکەت ، خودانێ خارنگەهێ ب کەنی ڤە گوتەمن، من تێلەفونا کەسێ نەکریە و چ کەسا نەگوتیە من خودێ دوو زارۆک یێت داینەتە بەلێ ژقەستا ژبەر وی هەژارو بەلەنگازی من وەکر دا ئەز مریشکەکێ ژدەف خۆ وەک خێرو سەدەقە ب دەمێ، بێ کو ئەو هەست بکەت ئەڤە خێرەکە من دگەل وی کر ، ڤێجا گەلێ زەنگینا دەمێ خێرەکێ دگەل کەسەکێ هەژار دکەن ئاڤا ناڤ چاڤێن وان هەژارو بەلەنگازا ب پارێزن وەکی خۆدانێ ڤێ خارنگەهێ چونکی ژیانێ ئەفرازی و نشیڤی یێت تێدا هەین ، ل بەرفرەهیا خو نێزیکی خودێ بکەن دا ل تەنگاڤیا خودێ ل هەوارا وە بهێت، چونکی دونیا سیبەرا دارێ یە هەر رۆژەکێ ل هنداڤی سەرێ ئێکی یە ، بێگومان ئەگەر تە چاکیەک دگەل ئێکی کر هەر وەکی تە گولەک چاند ، دێ هەر رۆژەک هێت بێهنا وێ گولێ بکەی ، بەلێ ئەگەر تە ستریەک چاند دێ هەر رۆژەک هێت ئەو ستری دەلنگاتە بگریت ..
ئەم کورد دبێژین چ بچینی دێ وی هەلینی …..
ژزمانێ عەرەبی ب دەستکاری ڤە هاتیە وەرگێران .
- نڤیسەرێ هێژا ئەو ناڤی تە لخارێ هاتیە وەرگرتن دکاری هەموو بابەتێن خۆ ببینی … دگەل رێز
Comments are closed, but trackbacks and pingbacks are open.