ئاگرێ دارستانێن تورکیا دناڤبەرا مروڤ دوستیێ و ڕەگەز دوستیا کوردان
خورشید ئەحمەد
هەردەمێ پەرتوک و سەرهاتیێن مێژوویی ێن گرێدایی ب دوزا مللەتێ کورد دخینین دێ بینین کو هەر دکەڤندا کورد مللەتەکێ ئەفێکشنیایتە دگەل یار و نەیارێ خو و باشترین نموونەژی دەمێ دەستهەلاتا بەعسا فاشیزم بەرەف ژناڤچوونێ بوو گەلەک سەرکردێن سوپایی و کەسایەتیێن سیاسی خو ڕادەستی هێزێن کوردی کرن و ل جهێ ئێشاندنا وان ڕێزەکا مەزن لوان هاتە گرتن و بڤێ کریارا مروڤ دوستانە کوردان ناڤەک بوخو پەیدا کر ل جیهانێ .
ڕاستە هـــــەمی مللەتێن دەورووپشتێن مە ب تایبەت ( تورک و فارس و عەرەب)ـــــان گەلەک تاوانکاری هەمبەر گەلێ مە یێ کری ل هەر چار پارچێن کوردستانێ لێ نابیت ئەم دوژمنکاریێ دگەل سروشتێ وان بگرین .
سروشت مەزنترین دەستکەفتێ گیانەوەرانە لسەر عەردی دڤێت ئەم هەمی پێکولان بکەین کو سروشتی بپارێزین نە شەرتە ئەو سروشت سروشتێ دەولەت یان ولاتێ تە بیت .
ئەگەر تە سەرەدانا ولاتێ تورکیا یان ئیرانێ کر ل بادل ئەو زولما وان هەمبەر مللەتــێ کورد کری تو ڕابی ب تێکدانا ژینگەهێ وان تو نابییە قەهرەمان تو دێ بییە تاوانبار هەمبەر ژینگەهی و سروشتی .
ئەو ئاگرێ بەربووییە دارستانێن تورکیا مەترسیەکا مەزن دێ پەیدا کەت لسەر تەندروستیا جیهانی و ب تایبەت وەلاتێن دەورووپشت لێ ب مخابنیڤە د سوشیال میدیا کوردی یا بووییە جهێ دلخوشیا خەلکێ مە .
ئەرێ ما گیانەوەرێن بێ زمان چ گوناها خو هەیە ئەوێن تنێ داروبارێن دارستانێ ب جهـــ و وارێ خو دزانن؟ بلا ژبەر خاترا وان گیانداران لاڤا بکەین ئەڤ ئاگرە بهێتە ڤەمراندن و کونتڕولکرن چونکی ئەم کورد مروڤ دوستین نەک ڕەگەزدوست .
Comments are closed, but trackbacks and pingbacks are open.