بێوارحسێن زێباری، هه‌ولێر:
دەستپێکێ پێرۆزە ڕۆژبوونا پارێزگەهبوونا دهۆکێ.
ئه‌ڤرۆكه ئه‌و ڕۆژه یه كو باژێرێ دهۆكێ ژ گوند بۆ ناحیبوونێ و قه‌زابوونێ ڕزگار بوویه و بیه پارێزگه‌هـ.
ئه‌ڤه پتریا 50 ساڵانه دهۆك بوویه پارێزگه و تا نوكه ئێك ئیدارا سه‌ربه‌خۆ و شه‌ش قه‌زا دگه‌ل 23 ناحی و زێده‌ترییا 900 گوندان پێكهاتییه.
ئایا ل وێ ڕۆژێ تا ئه‌ڤرۆكه یا پێدڤی بۆ ڤی باژێری و ده‌ڤه‌را وێ ب گشتی هاتییه كرن، دڤێت مرۆڤ ب وژدانه و به‌رپرسیارانه به‌رسڤان ڤان پرس و پرسێن دیتر بده‌ت؟ بۆ وێ یه‌كێ كو ئه‌ڤرۆكه دبینن دهۆكێ ڕویه‌كێ دیتر بخۆڤه دیتییه و دبیت بێژین ژی كو هێشتا یا پێدڤی و ئاستێ خواستا خه‌لكی دا بیت نه‌هاتیه كرن.
دهۆك، ئه‌و باژێره‌یه كو به‌رده‌وام كه‌فتیه لبن زۆڵم و زۆرداریێ، چونكه باژێره‌كه و ده‌ڤه‌ره‌كه چ ڕویی وه‌لاتێن جیران یان ژی ڕۆیێ به‌غدا ڤه ئه‌و باژێره هه‌ڤسنووره له‌وما ئه‌و بوویه هه‌رده‌م كه‌ڤیتیه لبن ڤان نه‌خۆشی و نه‌هامه‌تان، دهۆك، ئه‌و بوویه تنێ ئه‌م ئاماژه بده‌ینه وان ڕۆژێن كو خه‌لكێ سووریا و هه‌تا یێ شنگال و ده‌ڤه‌رێ قه‌ستا باژێر و گوندان كری بۆ ڤه‌حه‌واندنێ و هه‌ر جۆره هاریكاریه‌كێ ئه‌و چه‌نده كێم ته‌رخه‌م نه‌بوویه و هه‌موویان پێكڤه هه‌ستا مرۆڤایه‌تی دا ڕابوون و ل گۆڕه‌یی شیانێن خۆ هاریكار بووینه.
دهۆك، د وان هه‌موو واراندا، چ ڕویێ( گه‌شتیاری، پێشمه‌گه، چاندن و ئاڤه‌دانی….هتد)، ئه‌ڤه گوهۆڕینه باش تا ڕاده‌كێ هاتیه كرن، ئه‌وا مه بڤێت دبیت د وی ئاستی دا نه‌بیت به‌لێ هه‌ر وه‌كی به‌رێ مه گوتی تشتێ باش و یێ به‌رده‌وام دهێته كرن، تایبه‌ت پشتی سه‌رپه‌رشتی و چاڤدێریا زۆر به‌ڕێز سه‌رۆكێ حكومه‌تی، مسرور بارزانی، ئه‌و یه‌كه بوویه ئه‌گه‌رێ هندێ كو زێده‌تر د ته‌ڤاییا واراندا خۆ ل ده‌ڤه‌رێ گشتی بكه‌ته خودان و ئه‌ڤ چه‌نده ژی بۆ گه‌شتیارێن نافخۆیی و بیانی ژی ببیته ئێك ژ وان فاكته‌رێن سه‌ره‌كی یێن دهۆكا( خزمه‌ت و جوان) هه‌بیت، هه‌رده‌م ژی ده‌ڤه‌را به‌هدینان، بوویه ئێك ژ وان جهێن كو خه‌لك ده‌مێ پێدڤی ب هه‌ر تشته‌كێ ببیت ئه‌و چه‌نده لایێ خه‌لكێ بوویه داب و نه‌ریت و عورفه‌كێ سه‌ره‌كی یی ناڤدار و ناسیاری كو ئه‌و ژی ئه‌و مرۆڤایه‌تی و مرۆڤدۆست بوونه، هه‌رده‌م گیانێ لێبۆرین و هاریكاریێ ژ لایێ خه‌لكێ مه بوویه بنه‌مایه‌كێ سه‌ره‌كی یێ ژیانێ.
به‌لێ مه گوتی، ئایا ئه‌وا دهۆك بوویه پارێزگه، یا پێدڤی بوونێ بۆ هاتییه كرنێ، به‌لێ ژ بیرنه‌كه‌ین ژی كو وه‌كی ده‌ستپێكێ ژی مه ئاماژه دایه وی پڕه‌نیسیپێ هندێ جوان و مرۆڤایه‌تی و وێ ده‌رگه‌ه ڤه‌كریا خه‌لكی بۆ وان كه‌سێن مه بخۆ كو تووشی ده‌ربه‌ده‌ڕیی بووینه وه‌ك ده‌ڤه‌رێن دیتر قه‌ستا دهۆكی كری، ئه‌و چه‌نده ژی بوویه ئێك ژ وان سیمایێن هندێ بارێ حكومه‌تا زێده‌تر گران ببیت وه‌ك( خاندن و كاره‌با و جهێ ڤه‌حه‌واندنی ….هتد ئه‌ڤه نموونه‌ك بوویه بۆ هندێ، ژبلی وان توپ بارانێن وه‌لاتێ توركیا ل سه‌ر گوند و ده‌ڤه‌رێن مه بێ جوداهی و به‌ردوامی ب هه‌جه‌تا هه‌بوونا باره‌گایێن په‌كه‌كێ، ئه‌ڤ چه‌نده ژی بوویه ئه‌گه‌ره‌ك دیتر كو مه‌ترسی ل ده‌ڤه‌رێ دروست بیت و ده‌ست دانا وان گوند و وار و ڕه‌زێن خۆ، دیسان چوونا وان بۆ سه‌ر ئه‌ردێن خۆ و هه‌روه‌ها ئه‌و یه‌كه بوویه ئه‌گه‌رێ هندێ كو تا راده‌كێ ترس و نه‌خۆشی بكه‌ڤیته دلێ گه‌شتیاران دا، به‌لێ خۆشبه‌ختانه ئه‌و چه‌نده نه‌هاتیه ڕێدا و دیسان حكومه‌تا مه ده‌ست هندێ كریه به‌رده‌وام جهێن گه‌شتیاری ببن ئێك ژ پڕترین جهێن گه‌شتیار قه‌ستا وان بكه‌ن و ئه‌و ژی بوویه ئه‌گه‌رێ هندێ ده‌ڤه‌ر ب ته‌مامی ببیت ده‌ڤه‌ره‌ك گه‌شتیاری ژ ڕویی جوانی و شینه‌وار و جهێن دیرۆك و كه‌ڤنار و خه‌لكه‌ك ژی ده‌ست ب كاری بكه‌ت و ببیت خودان كار.
ڕاسته ژ پتریا واراندا خزمه‌ت هاتینه كرن، به‌لێ وێ یه‌كێ ژی نه‌ڤه‌شێرین كو هێژ ده‌ڤه‌ر مایه بۆ پڕكرنا پێدڤیێن زێده‌تر بهــــێته كرن، ئه‌وا نوكه هاتیه كرن نه ئاستێ پێدڤییا خه‌لكیدا یه و پێدڤییه زێده‌تر خۆ ل ده‌ڤه‌رێن دیتر یێن دهۆكێ بكه‌نه خودان و دهۆك ببیته باژێره‌ك گه‌شتیاری یێ زێده‌تر و ببیته باژێری خزمه‌ت و جوانیی و ئاڤه‌دانییا زێده‌تر د وارێن پێدڤی دیتر دا.
بیرنه‌كه‌ین، دهۆك، ئه‌و باژێره بوویه كو زۆر خه‌لكێ قه‌ستا وێ كریه وه‌ك ژیان، ئه‌گه‌رێن دیتر ژی بوویینه ئه‌گه‌ر كو ئه‌وا دهۆكیان دڤێیت بۆ بهێیته كرنێ نه‌شیاینه به‌لێ ڕاوه‌ستاندن نینه و به‌رده‌وام خزمه‌تا ده‌ڤه‌را دهێته كرن، ئه‌گه‌ر په‌كه‌كه بچیت و ئه‌ڤ قه‌یران و كاودانێێن نه‌خۆش ب یێن گشتی ب سه‌ر میلله‌تێ كوردا بچن و نه‌مینن دێ ده‌ڤه‌ر هه‌موو كه‌ڤیته د واره‌كێ دیتر یێ خۆشیی و ئاڤه‌دانیێ.
ب هیمه‌ت و چاڤدێریا سه‌رۆكێ حكومه‌تێ، مسرو بارزانی، پڕۆژێن باش و هه‌ره باشتر بۆ به‌هدینان هاتینه جێبه‌جێكرن و هنده‌ك ته‌مامبووینه و هنده‌كێن دیتر ژی د وارێ جێبه‌جێكرنێ دانه و دیسان دگه‌ل چه‌ندین كارێن دیتر یێن جودا جودا وه‌ك هاریكارێن خێرخۆازیێ كوبۆ خه‌لكێ پێدڤی هاتینه كرن و ئه‌ڤ پڕۆژێن ڕێك و بان و ئاڤه‌ڕۆیێ و ئاڤه‌دانی و كاره‌ب و ساخله‌میێ یێن گشتی به‌رده‌وامن…. ئه‌ڤه هه‌موو بووینه ئه‌و كو دهۆك بگه‌هیته ئاستێ ئه‌ڤرۆكه یێ ئه‌م دبینن كو هنده وه‌ك ئاكرێ و ئامێدی و زاخۆ… بووینه قوم یێن سه‌ره‌دانا گه‌شتیاران و به‌لێ زێده‌تر پێدڤی هاریكارێن دیتره ب گشتی ده‌ڤه‌ر بۆ پێشئێخستنا ناڤێ دهۆكێ.
Comments are closed, but trackbacks and pingbacks are open.