زێ بادینان، ساخلەمی:
بۆ ماوێ چه‌ندین ساڵان دهاته گوتن كۆ مرۆڤێن چه‌پۆكی ئانكو ده‌ستێ چه‌پێ بكاردئینن زیره‌كترن ژ لایێ هزركرنێ وبیردانکێڤە ژ خه‌لكێ دیتر كۆ ده‌ست ڕاستن، وهه‌روه‌ها د كارێن هونه‌ری دا داهێنانكارن چونكی لایێ ڕاستێ یی مه‌ژیێ خۆ بكاردئینن وته‌نانه‌ت ئاستێ وه‌رزشیێ وانا ژی به‌رزتره، وگه‌له‌ك جاران ئاماژه بۆ چه‌ندین زانا وبلیمه‌تێن دیرۆكێ دده‌ن كۆ چه‌پوكی بوون وه‌ك ئه‌لبێرت ئه‌نیشتاین،ئیسحاق نیوتن، لیوناردو داڤنچی، ..هتد.
لێ چه‌ندین په‌یمانگه‌هێن تایبه‌ت ب تاقیكرنێن بيرتيژيێ ئانكوئاستێ زیره‌كیێ كۆ دبێژنێ ئای كیو، دیاركریه كۆ چ جیاوازیێن مه‌زن نه‌دیتینه‌ڤه دنێڤبه‌را مرۆڤێن ده‌ست ڕاست وچه‌پۆكی دا (هه‌رچه‌نده یا دیتی كۆ ئه‌و كه‌سێن هه‌ردوو ده‌ستا ب ئێكسانی كارپێدكه‌ن ئاستێ وا باشتره ژ ئه‌وێن بتنێ ده‌سته‌كی دده‌نه‌شولی). و هه‌روه‌ها لدیف زۆربه‌ی ڤه‌كولینان ئاشكرابویه كۆ ئاستێ هونه‌ری وداهێنانانكاری یێ نزیكی ئێكسانیێ یه د هه‌ردوو گڕۆپاندا، هه‌روه‌سا هاتیه دیتن كۆ د هنده‌ك جوره وه‌رزشان دا وه‌ك ته‌پا ته‌نسێ وكریكێتێ چه‌پۆكی زیره‌كترن به‌لام ده‌ست ڕاست ژی د هنده‌ك وه‌رزشێن دیتر دا باشترن بۆ نمونه گوڵفێ.
له‌وما دبێژین كۆ گومانه‌كا زور هه‌یه لسه‌ر وێ ئه‌فسانا پرۆپاگندێ بۆ بلیمه‌تیا چه‌پۆكیان دكه‌ن (دگه‌ل ڕێزگرتنێ بۆ هه‌می چه‌پوكیان كۆ ڕێژا 10% پێكدئینن ژ ته‌ڤایا دانیشتیێن سه‌ر ڕویێ ئەردی)
ژپەرتووکا #داهزرێننەدرۆستێنساخلەمیێڕاستڤەبکەین
Dr-Adnan Aqrawi
Comments are closed, but trackbacks and pingbacks are open.