شیره‌تكارێ سه‌رۆكوه‌زیرێن ئیراقێ مسته‌فا كازمی د لێدوانه‌كێدا راگه‌هاند؛ ل نێزیك دێ زانیاری لدۆر بزاڤا تیرۆركرنا كازمی هێنه ئاشكه‌را كرن.
راوێژكارێ سیاسی یێ كازمی، مشرق عه‌باس د لێدوانه‌كا رۆژنامه‌ڤانیدا ئاشكه‌راكر كو دێ د چه‌ند رۆژێن بهێت دا چه‌ندین زانیاری و به‌لگه لسه‌ر بزاڤا تیرۆركرنا كازمی یا 7ی ڤێ مه‌هێ هێنه ئاشكه‌راكرن.
لێدوانا راوێژكارێ كازمی پشتی داخوازیا رێبه‌رێ ره‌وتا سه‌در مو‌قته‌دا سه‌دری دهێت كو ل توویته‌رێ خوه راگه‌هاندبوو؛ پێدڤییه ئه‌نجامێن ڤه‌كۆلینێن هێرشا سه‌ر مالا مسته‌فا كازمی بهێنه ئاشكه‌را كرن و ئه‌و كه‌سێن ئه‌و كریارا تیرۆرستی كری بهێنه سزادان.
ل 7ی ڤێ مه‌هێ ب رێیا سێ درۆنان (فرۆكه‌یێن بێ فرۆكه‌ڤان) هێرشی مالا سه‌رۆكوه‌زیرێن ئیراقێ مسته‌فا كازمی هاتبوو كرن و د ئه‌نجامدا هژماره‌كا پاسه‌وانێن وی بریندارببوون.
Comments are closed, but trackbacks and pingbacks are open.