ئه‌ڤرۆ سه‌رۆكاتییا باژێرڤانییا دهۆكێ ئامارا شه‌ش مه‌هێن بووری راگه‌هاند و دیاركرن كو ئه‌و شیاینه د شه‌ش مه‌هێن بوورى دا ب كوژمێ 69 ملیار دیناران پرۆژان ئه‌نجام بده‌ن.
ئیسماعیل مسته‌فا، به‌رپرسێ راگه‌هاندن و په‌یوه‌ندیان ل سه‌رۆكاتییا باژێرڤانییا دهۆكێ د پرێس كۆنفرانسه‌كێ دا راگه‌هاند؛ سه‌رۆكاتییا باژێرڤانیێ د شه‌ش مه‌هێن بووری دا، 37 پرۆژه ب كوژمێ 68 ملیار و 856 ملیۆن دیناران بجهئیناینه و یه‌ك ژ وان پرۆژه‌یان یێ وه‌زاره‌تا باژیرڤانیێ یه و پترییا پرۆژان دى پێك دهێت ژ ( قێركرنا جادده‌یان، سه‌خبێریكرنا جادده‌یێن خراپبووی و دابینكرنا كه‌ره‌سته‌یان بۆ كارگه‌ها كواشێ یا قێری) هه‌روه‌سا پرۆژه‌یێن جادده‌یا بارزان ب رێژه‌یا 93% هاتینه بجهئینان.
ئاماژه ب وێ یه‌كێ ژى دا، ل گۆر چالاكیێن جڤاتا باژێرڤانیێ ژی، تا نها 24 كۆمبوونێن ئاسایی كرینه، ده‌رخستنا 359 بابه‌تێن جودا، ده‌رخستنا 198 بڕیاران، 762 دار هاتینه چاندن، 13 ته‌نێن ده‌رمانان هاتینه ره‌شاندن، 10 ترومبێلان دار شكاندینه و باخچه‌یه‌ك ب رووبه‌رێ 2060 مه‌تران هاتییه ڤه‌كرنـ هه‌روه‌سا 240 هه‌وێن پاقژكرنا به‌رمایكان، 480 بۆ به‌رمایكێن جه‌ژن و سه‌یرانان هاتینه كرن، 30هه‌وێن پاقژیێ د 15 رۆژان دا بۆ روویبارێن دهۆكێ و 537 ده‌ستووریێن ئاڤاهییان هاتینه دان.
ل گۆر زێده‌گاڤییان ژی، 50 ژۆر هاتینه خرابكرن، 37 كاڤل هاتینه راكرن، 95 ترومبێل هاتینه ده‌سته‌سه‌ركرن، 95 بیستان و 37 باخچه هاتینه خرابكرن.
په‌یڤدارێ سه‌رۆكاتییا باژێرڤانیێ هه‌روه‌سا دیار ژی كر، 129 معامله خه‌ملاندن بۆ هاتیه كرن، 26 خانیێن زێده‌گاڤی هاتینه تاپۆ كرن، 230 گرێبه‌ست هاتینه نویكرن، 522 مری ل گۆرستانا شاخكێ هاتینه ڤه‌شارتن، 235 ژن و 293 زه‌لامن.
Comments are closed, but trackbacks and pingbacks are open.