ئیبراهیم كاڵن، پەیڤدارێ بناڤێ سەرۆكێ توركیا دووپاتكر، هێڕشا لەشكەرێ توركیا دێ ل دەمژمێر سفر بۆ سەر باكوورێ سوریا هێتە ئەنجامدان، ئەو كریارە ژی یا ب ڕەوشا ئاسایشا ئەنقەرە ڤە گرێدایە.
كەناڵێ (تی ئار تی) یێ توركی ژ زمانێ ئیبراهیم كاڵن، پەیڤدارێ بناڤێ رەجەب تەیب ئەڕدۆغان، سەرۆك كۆمارێ توركیا ڤەگوهاست، بۆ ئەنجامدانا هەر ئۆپڕاسیۆنەكا سەربازی ل باكوورێ سوریا، توركیا داخوازا رێپێدانێ ژ هیچ كەس و لایەنەكی ناكەت و پێدڤی ناكەت هیچ كەسەك ژڤانێ ئەنجامدانا وێ ئۆپڕاسیۆنێ بزانیت.
ئەڤ داخۆیانیێن ئیبراهیم كاڵن د دەمەكیدانە، وەزیرێ دەرڤەیێ توركیا مەولود چاویش ئۆغڵۆ ژی د داخۆیانیەكێدا دووپاتكربوو، كو توركیا چاڤەرێی هیچ لایەنەكی نینە گلۆپا كەسك بۆ هەلكەت پێخەمەت ئەنجامدانا ئۆپڕاسیۆنەكا سەربازی ل باكوورێ سوریا.
چاویش ئۆغڵۆ دبێژیت: ڕەنگە دانوستاندنان بكەین و بیروڕا ئاڵۆگۆڕ بكەین، بەلێ نە نوكە و نە ل ئایندەی ڕازەمەندیێ ژهیچ كەس و لایەنەكی وەرناگرین بۆ دەستپێكرنا هێڕشەكا سەربازی ل دژی (تیرورێ) ل باكوورێ سوریا.
Comments are closed, but trackbacks and pingbacks are open.