ئیران و ئەوروپا ڕاگەهاند، هیڤیەک هەیە ل چەند رۆژێن بهێت گۆتۆبێژێن ئەتۆمی دناڤبەرا تەهران و واشنتۆن دا دەستپێبکەن.
حسێن ئەمیر عەبدواللاهیان وەزیرێ دەرڤە یێ ئیرانێ دگەل جوزێف بۆریل، بەرپرسێ پەیوەندیێن دەرڤە یێ ئێکەتیا ئەوروپا جڤیایە و ڕاگەهاند، “هیڤیدارین ئەڤجارە ئالیێ ئەمریکی ل درێژیا گوتۆبێژان رێکارێن بەرپرسیارانە بگریتەبەر و بگەهیتە خالا داویێ یا لهەڤهاتنێ”.
ئاماژە ب وێ یەکێ کر، ئیران دگەل ئێکەتیا ئەوروپا گۆتۆبێژێن هویر و ئەرێنی دەربارەی دەستپێکرنێ گۆتۆبێژ کرینە و پاراستن و بەرفرەهکرنا پەیوەندیان دگەل ئێکەتیا ئەوروپا ژ کارێن دەستپێکی یێن ئیرانێ یە بۆ درێژیدان ب هەڤکاریێن دگەل ئەوروپا، دناڤ واندا هەمی وەلاتێن ئەندام و نەئەندامێن د ئێکەتیێدا.
بەحسا وێ یەکێ ژی کر، ئیران ئامادەیە ل چەند رۆژێن بهێت گۆتۆبێژان دگەل ئەمریکا دەستپێبکەت و حکومەتا وی وەلاتی بەرژەوندیێن گەلێ وان ل پێشیا سیاسەتێن وێ یە.
هەڤدەم، جۆزێف بۆریل بەرپرسێ پەیوەندیێن دەرڤە یێن ئێکەتیا ئەوروپا دیارکر، ل چەند رۆژێن بهێت گۆتۆبێژ دناڤبەرا ئیران و ئەمریکا دەستپێدکەن.
Comments are closed, but trackbacks and pingbacks are open.