ئیمارات ب رێكا وزا رۆژێ دێ وه‌به‌رهێنانێ ل كه‌رتێ كاره‌با هه‌رێما كوردستانێ كه‌ت
وه‌زاره‌تا كاره‌با حكومه‌تا هه‌رێما كوردستانێ د راگه‌هاندنه‌كێدا ئاماژه دا كو ئیمارات دێ وه‌به‌رهێنانێ ل كه‌رتێ كاره‌با هه‌رێما كوردستانێ كه‌ت ب رێكا وزا رۆژێ دێ كاره‌بێ به‌رهه‌مئینیت.
وه‌زاره‌تا كاره‌بێ، ئه‌ڤرۆ 29-7-2021ێ د راگه‌هاندنه‌كێدا دیار كرییه، ئەحمەد ئیبراهیم ئەلزاهیری، کونسوڵێ ئیماراتیێن ئێكگرتییا عەرەبی، د سەردانه‌کێدا بۆ وەزارەتا کارەبێ ڕا گەهاند ،هنده‌ك ژ کۆمپانیێن وه‌ڵاتێ وى دڤێت ل کەرتی کارەبا هەرێما کوردستانێ وەبەرهێنانێ ب رێكا وزا رۆژێ كاره‌بێ به‌رهه‌م بینن.
کەمال محه‌مه‌د ساڵح، وەزیرێ کارەبێ، ئامادەییا وەزارەتا خوه بۆ پشكداریكرنا کۆمپانیێن ئیماراتێ دکەرتێ کارەبا هەرێما كوردستانێ دا دەربڕی.
د راگه‌هاندنێ دا روونكرییه ژى، كو وه‌زاره‌تا كاره‌بێ ب رێكا وه‌به‌رهێنانێ دێ 75 مێگاواتێن كاره‌بێ ب وزا رۆژێ ل هه‌رسێ پارێزگه‌هێن هه‌ولێر سلێمانى دهۆك به‌رهه‌مئینیت.
كۆنسولێ ئیماراتێ بزاڤێن بنیات دانا ژێرخانا كاره‌با هه‌رێما كوردستانێ ب گرنگ نرخاند و گۆتى، جوداهییه‌كا به‌رچاڤ د ئاستێ پێدانا كاره‌بێ دناڤبه‌را هه‌رێما كوردستانێ و عێراقێدا هه‌یه.
Comments are closed, but trackbacks and pingbacks are open.