ئیڤان فایق ، بدەهان هزار ئاوارێن عیراقی ماینە لهەرێما كوردستانێ
زێ بادینان .
ئیڤان فایق وەزیرا كۆچ و كۆچبەرێن عیراقێ داخوازكر سەرجەم ئاوارە ڤەگەڕنە دەڤەرێن خۆ، و ڕاگەهاند، حكومەتا بەغدا گرنگیەكا مەزن د دەتە پرسا ئاوارەیان و هەموو هەوڵێن خۆ ئێخستینە گەر پێخەمەت ڤەگەڕیانا وان بۆ سەر مال و دەڤەرێن خۆ.
د داخۆیانیەكێدا بۆ ئاژانسا (العراقیە) یا فەرمی، ئیڤان فایق گوت: هەتا نوكە بدەهان هزار ئاوارێن عیراقی ماینە لهەرێما كوردستانێ، ژئەگەرێ نەبوونا خزمەتگوزاری و گەفێن میلیشیاتێن چەكدار و نە ئاڤەدانكرنا دەڤەرێن وان، دئاما نینن ڤەگەڕنە سەر مال و دەڤەرێن خۆ.
وەزیرا كۆچ و كۆچبەران گوت: نە جێبەجێكرنا ڕێككەفتنا شنگال ژی ئێكە ژبەربەستێن ڤەگەڕیانا خەلكێ شنگال، و هەبوونا میلیشیاتێن چەكدار و هێزێن دەرەكی ڕەوشا شنگال ئالۆزتر لێكرییە.
Comments are closed, but trackbacks and pingbacks are open.