ڕۆژنامەكا ئەمریكی زانیاریێن گرنگ دەربارێ بەڵاڤبوونا ماددێن هۆشبەر بگشتی و جورەكێ مەترسیدار بتایبەتی دناڤ گەنجێن عیراقێدا ئاشكرا كرن و ڕاگەهاند، حزبێن دەستهەڵاتدار ل پشت وی كاری دڕاوستن و گروپێن چەكدار ژی رێخۆشكەرن و هەر ئەو بخۆ ماددێن هۆشبەر ژ ئەفغانستان دئیننە عیراقێ.
ل گورەی ڕاپۆرتەكا ڕۆژناما (مۆنیتۆر) یا ئەمریكی،بازرگانیكرن ب ماددێ هۆشبەر ژ جورێ (كەپتاكۆن) بشێوەیەكێ بەرفرەهـ ل پارێزگەهێن ڕۆژئاڤایێ عیراقێ بەڵاڤبووییە، و ئەو جورێ ماددێن هۆشبەر ژ سوریێ ب ڕێكا گروپێن چەكدار ل دەڤەرێن دناڤبەرا قایم و روتبەدا بۆ عیراقێ دهێتە ڤەگوهاستن.
د ڕاپۆرتا خۆدا ڕۆژناما (مۆنیتۆر) كو لژێر ناڤێ (عیراق دێ چاوا بەهنگاری مفادارێن بازرگانییا ماددێن هۆشبەر بیت) بەڵاڤكرییە دبێژیت: بازرگانی ب ماددێن هۆشبەر و بەڵاڤبوونا وان لسەرجەم پارێزگەهێن عیراقێ، بوویە ئەگەر تۆڕێن جڤاكی هەڵمەتەكێ بۆ هشككرنا ژێدەرێن وێ بازرگانیێ دەست پێبكەن، ژبەركو ئەو بازرگانییە ئێكە ژ ژێدەرێن سەرەكیێن بدەستڤە ئینانا پارەی ژلایێ كەسانێن باڵا دەست و مافیا چەكی ل عیراقێ.
ڕۆژناما (مۆنیتۆر) دبێژیت: دەربازكرنا ماددێن هۆشبەر بۆ ناڤ ئاخا عیراقێ، گرۆڤێ لاوازیا دەزگەهێن ئەمنییە بتایبەتی لسەر سنوران، و نەبوونا كۆنتڕۆڵ و چاڤدێرییە.
Comments are closed, but trackbacks and pingbacks are open.