وەزارەتا کاروکاروبارێن جڤاکیێن عێراقێ ڕاگەهاند، دی دەست ب پێدانا هەشت ملیۆن دیناران کەین بۆ وەلاتیێن بێکار وەکی قەرێ بچیک.
نەجم عیقابی، بەرپرسێ ڕاگەهاندنا وەزارەتا کار و کاروبارێن جڤاکی بۆ میدیایان ڕاگەهاند، وەزارەتا وان یا بەردەوامە ژ پێدانا قەرێن بچیک بۆ وان گەنجان یێن کو بێکارن و هەیا نهاژی زێدەتر ژ ٥٠ هزار کەسان ژوی پرۆژەی مفادار بوونە.
گۆتژی، هەیا نها نێزیکی ٢٢٤ هزار کەسان بۆ وەرگرتنا وی قەرەی ناڤێ خۆ ل ڕێیا ئەلکترۆنی تۆمارکریە.
بەحسا وێ چەندێ ژی کریە ، وەلاتی دکارن وی قەرەی بۆ دەمێ پێنج ساڵان بدەنەڤە، ژبەرکو مەرەم ژ پێدانا وی قەرەی وەکی ستراتیژییەکە بۆ کێمکرنا ڕێژەیا هەژاریی د وەڵاتیدا.
ئەو یەک ژی دایەدیارکرن، هەندەک ژ قەران دگەهنە ٢٠ ملیۆن دیناران، کو ئەڤە یا تایبەتە بۆ وان وەلاتیێن دڤێت پرۆژەیەکی دابمەزرینن و پشکدریێ ب خەڵکێ دی بکەن و ب ئێخنە سەر کاری.
هەر دڤێ حەفتیێ دا وەزارەتا کشتوکالا عێراقێ ڕاگەهاند، ب ڤان نزیکان دێ دەست ب پێدانا قەران کەین بۆ جوتیاران.
ئەڤەژی د دەمەکی دایە، ل ساڵا ٢٠١٤ ێ حکومەتا هەرێمێ هەمی پێشینە و قەر بۆ وەلاتیان و فەرمانبەران و کاسبکاران راگرتینە.
Comments are closed, but trackbacks and pingbacks are open.