وەزارەتا پلاندانانا ئێراقێ ڕاگەهاند، د پرۆژە یاسایا سالا ٢٠٢٢ێ دا بەرمیلەکا پەتڕۆلێ ب ٥٠ دۆلاران دهێتە خەملاندن و کورت ئینان ژی دێ نێزیکی ٢٠% بیت.
ماهر حەماد جۆهان بریکارێ وەزارەتا پلاندانا عێراقێ د کۆنفرانسەکێ رۆژنامەڤانیدا ڕاگەهاند، ب ئارمانجا ئامادەکرنا رەشنڤیسێ پرۆژەیاسایێ بودجەیێ سالا ٢٠٢٢ێ جڤینەک ب سەرپەرشتیا وەزیرێ دارایی ئەنجامدایە.
ئاماژە ب وێیەکێ ژی کر، پشتی ئامادەکرنا رەشنڤیسێ وی پرۆژە یاسای، دێ فرێکەن بۆ لژنەیا ستراتیجی و جڤاتا وەزیران.
دەربارەی بهایێ بەرمیلەکا پەتڕۆلێ د پرۆژەیاسایێ بودجەیێ ٢٠٢٢ێ دا ئەوژی دیارکریە، بهایێ بەرمیلەکا پەتڕۆلێ ب ٥٠ دۆلاران هاتیە خەملاندن و ئەڤەژی دبیت بلندبوون و نزمبوون تێدا بهێتەکرن.
ماهر حەماد جۆهان گوتژی، کۆما قەبارەیێ بودجەیێ هاتیە خەملاندن دناڤبەرا ١٢٠ بۆ ١٤٠ ترلیۆن دینارایە، “ئەڤەژی هەژمارەکا ئێکجار مەزنە”.
دەربارەی رێژەیا کورت ئینانا بودجەی ژی، بریکارێ وەزارەتا پلاندانانا عێراقێ ئاشکەراکریە، رێژەیا کورت ئینانێ د بودجەیدا ژ ٢٠% کێمتر نابیت، ئەڤەژی لسەر بنەمایێ بازاڕی و داهاتان ڤە د باشترین رەوشدایە.
ئەڤە د دەمەکی دایە، حکومەتا فیدڕال مژیلی ئەنجامدانا هەلبژارتنێن پەرلەمان و ئامادەکرنا بودجەیێ ٢٠٢٢ێ یە، د بەرامبەردا حکومەتا هەرێمێ زێدەتری حەفت سالە پرۆژەیاسایێ بودجەی ئامادەنەکریە.
د دەستپێکا ئەڤ سالەدا، حکومەتا هەرێمێ بەلاڤکر، بۆ ئەڤ سالە پرۆژە یاسایێ بودجەیێ هەرێمێ بەرەڤ پەرلەمانێ کوردستانێ فرێکەت، لێ د نهادا نە هاتیە فرێکرن بێ وێیەکێ ژی سەدەمێ وێ بهێتە ئاشکەراکرن.
Comments are closed, but trackbacks and pingbacks are open.