ئێكەتییا ئەورۆپا ئینستیگرام ب 405 ملیۆن یورویان سزادا
كۆمسیونا ئێرلەندا بۆ پاراستنا زانیارییێن كەسایەتی راگەهاند، ئێكەتییا ئەورۆپا تۆرا جڤاكی یا ئینستگرامی ژبەر كێم تەرخەمییێ ل پاراستنا زانیارییێن كەسایەتی، ب 405 ملیۆن یورویان سزادا.
دیار ژی كرییە، ئەو ژ وێ بریارا خۆە پاشگەزنابن و ڤێ حەفتییێ دێ هویركاتییێن سزای بەلاڤكەن.
ئەڤ سزایێ كۆمسیونا ئێرلەندا بۆ پاراستنا زایارییێن كەسایەتی ژ سالا 2018ێ هاتییە دانان و مەزنترین سزایە كۆ ب سەر تۆرەكا جڤاكی دا ل سنۆرێ ئێكەتییا ئەورۆپا هاتبیتە سەپاندن.
كۆمسیونا ئێرلەندا بۆ پاراستنا زانیارییێن كەسایەتی بریكارێ ئێكەتییا ئەورۆپایە بۆ ( پاراستنا زانیارییێن كەسایەتی ل سەر تۆرێن جڤاكی ) كۆ بارەگایێ وێ یێ سەرەكی ل ئێرلەندا یە.
ئەو سزایە ژی پشتی وێ یەكێ هات كۆ ل دوماهییێن سالا 2020ێ كۆمسیونێ ڤەكۆلین ل سەر ئاستێ پاراستنا زانیارییێن بكارهێنەران كرن ل تۆرا ئینستگرامی ب تایبەت یێن سنێلەیان، ژبەركۆ ئینستگرام دەرفەتێ ددەتە هەمی كەسان یێن كۆ تەمەنێ وان 13 سال بیت هەژمارێ بۆ خۆە درۆست بكەت و دشێن تایبەتمەندییا هەژمارا خۆە ب گوهورن بۆ ئاستێ ” پرۆفیشنال ” كۆ هەژمارا وان دبیتە گشتی و هەمی كەس دشێن ببینن.
Comments are closed, but trackbacks and pingbacks are open.