چارلز میشێل سەرۆکێ جڤاتا رێڤەبرنا ئێکەتیا ئەوروپا پشتی سەرەدانا وی بۆ باژێرێ بۆرۆدیانکا کو ئۆکرانیا کۆنترۆل کر، دگەل سەرۆکێ ئۆکرانیا، ڤۆلۆدیمیر زێلێنسکی جڤیایە و کۆنگرەیەکێ رۆژنامەڤانی هەڤپشک ئەنجامدا.
میشێل ڕاگەهاند، ئەوا ل وی باژێرێ دیتی دڕندەییە و هەمی تاوان و پێدڤیە تۆهمەتبار بهێتە سزادان و سزا ژی دهێتە دان و گوت ژی، “ژبەرکو سەرکەفتنا ئۆکرانیا دڤێت رژدبن لسەر پێشکێشکرنا ئەوا ژ دەستێ وان بهێت بۆ پشتەڤانیکرنا وی وەلاتی”.
سەرۆکێ کۆنسەیا ئێکەتیا ئەوروپا تەکەز ل وێ یەکێ کریە کو ئێکەتیا ئۆکرانیا پشتراستکریە کو پشتەڤانیا وێ دکەت و گوت: “هەیا ئەڤرۆ چەندین بڕیارێن ئێکلاکەر داینە. لێ ئەڤە بەس نینە، ژبەر وێ یەکێ ب بەردەوامی کار لسەر زێدەکرنا گڤاشتنێ بۆ سەر روسیا دکەین”.
دەربارەی ب ئەندامەتیا ئۆکرانیا ل ئێکەتیا ئەوروپا، چارلز میشێل بەحسا وێ یەکێ کر، بیروباوەرێن لناڤ ئێکەتیا ئەوروپا دەربارەی ب ئەندامبوونا ئۆکرانیا هەیە ژبەرکو بابەتەکێ یاسایی و سیاسی ژیە د هەمان دەمدا.
میشێل ئەوژی دیارکر کو دبیتە کۆمسیۆنا ئێکەتیا ئەوروپا هەیا داویا مەها حوزەیرانێ بۆچوونا خۆ دەربارەی وێ پرسێ ئەشکەرابکەت.
دەربارەی دورپێچا سەر پەتڕۆل و گازا روسیا، سەرۆکێ کۆنسەیا ئێکەتیا ئەوروپا ڕاگەهاند، “ئەز بخۆ ژ وێ یەکێ پشتراستم کو زووی یان درەنگ بڕیار دێ لسەر ڤێ هێتە دان ژبەرکو ئێکەتیا ئەوروپا رژدە لسەر بابەتێ راگرتنا پشتگرێدان ب وزەیا روسیا”.
Comments are closed, but trackbacks and pingbacks are open.