ئۆرسولان ڤۆن دێر سەرۆکێ کۆمسیۆنا ئێکەتیا ئەوروپا د دەستپێکا کۆنفڕاسیدا ل پۆلەندا ڕاگەهاند، ل ١٠ حەفتیێن دەربازبووی کو روسیا هێرشێن خۆ دەستپێکرینە هەیا نها، چار ملیۆن یۆرۆ هەڤکاریێن ئابوری و دارایی پێشکێشی ئۆکرنیا کرینە و ٣.٥ ملیار یۆرۆ ژی بۆ ڤەگۆهاستنێ و حەواندنا وەلاتییێ ئۆکرانیا ل وەلاتێن ئێکەتیا ئەوروپا، تەرخانکرینە.
ڤۆن دێر لاین ئەوژی ل بیر ئینا کو بەری سێ حەفتیان سوزا پێدانا ١.٨ ملیار یۆرۆ بۆ هەڤکاریێن مرۆڤی دابوونە ئاوارەیێن ئۆکرانی و ڕاگەهاند، “ئەڤ هەڤکاریە بەس نین، خۆشحالم ب وێ یەکێ کوژمێ ٢٠٠ ملیۆن یۆرۆ بۆ ئاوارەیێن ئۆکرانی، دابین بکەین، ئەڤ کارە هەڤکاریێن زێدەتر لدویف دئینن”.
سەرۆکێ کۆمسۆنا ئێکەتیا ئەوروپا تەکەز ل وێ یەکێ کر کو ئێکەتیا ئەوروپا هەڤکاریا حکومەتا کیێڤ دکەت بۆ دووبارە ئاڤەدانکرنا ئۆکرانیا و گوت ژی، “ئەگەر میلیاران یۆرۆیلن بهنێرین ب تنێ نکارین ژێرخانا وی وەلاتی ئاڤا بکەین. د هەمان دەمدا ئۆکرانیا چ رێیەک نابیت بۆ هاتنا ناڤ ئێکەتیا ئەوروپا”.
چارلز میشێل تەکەز ل وێ یەکێ کر، کو ئەو وەلاتە پێدڤی ب هەڤکاریێن مرۆڤیە و لدویف پشکەک ژ راپۆرتان ژی حکومەتا ئۆکرانیا هندی بکاریت دێ ل کارێن خۆ بەردەوامبیت، مەهانە پێدڤی ب پێنج ملیارا یۆرۆیان هەیە.
Comments are closed, but trackbacks and pingbacks are open.