ئێکەتیا زەلامێن کوردستانێ ئامارێن شەش مەهێن دەربازبووی یێن توندو تیژیا ل بەرامبەر زەلامان راگەهاندن

سەرۆکێ ئێکەتیا زەلامێن کوردستانێ بۆ ئەڤرۆ نیوز گوت: د شەش مەهێن ئەڤ سالە دا 233 حالەتێن توندوتیژیێ ل بەرامبەر زەلامان هاتینە تۆمارکرن و جودا ژ وان ژی د ئەڤ سالە دا 21 حالەتێن خۆ کوشتنێ دناڤ زەلاماندا هاتینە تۆمارکرن.

ل گۆرەی ئامارێن رێکخراوا ئێکەتیا زەلامان، د ئەڤ سالە دا 233 حالەتێن توندوتیژیێ یێن زەلامان کو ژ لایێ خێزانێن وانڤە ل بەرامبەرت هاتینە ئەنجامدان هاتینە تۆمارکرن.

بورهان خۆشناو، سەرۆکێ ئێکەتیا زەلامێن کوردستانێ دیار کر، ژبلی حالەتێن توندو تیژیێ ل بەرامبەر زەلامان د ئەڤ سالە دا 21 حالەتێن خۆ کوشتنێ هاتینە تۆمارکرن.

ئاماژە کر، سێ حالەتێن کوشتنێ ژی هاتینە تۆمارکرن کو ژ لایێ هەڤژینێن وان کەسان ڤە ب هاریکاریا هندەک زەلامێن دی هاتینە کوشتن.