کورێ پارێزگەھا دھوکێ رێگر ئەحمەد پشتی شیای ب سەرکەفتیانە یاریێن قارەمانی و خولێن و ئیراقێ یێن تەپا سەر مێزێ بسەرکەفتیانە برێڤە ببەت، وەک دداڤانێ نێڤدەولەتی یێ یاریێ ھاتە داخازکرن بۆ برێڤەبرنا یاریێن قارەمانیا وەلاتێن عەرەبی یا تەپا سەر مێزی یا ژیێن جودا ئەوا ھەڤرکێن وێ ب پشکداریا 11 وەلاتان ل ئوردن دھێنە برێڤەبرن.
پشتی ب رەنگەکێ ب رێک و پێک و ئەکادیمیانە چەندین یاریێن دەستپێکا قارەمانیێ برێڤەبرین، ریگرێ 33 سالی و کورێ پارێزگەھا دھوکێ ژلایێ ئێکەتیا عەرەبی یا یاریا تەپا سەرمێزێ ڤە ھاتە دەستنیشانکرن بۆ برێڤەبرنا پێنچ یاریێن دوماھیا قارەمانیێ کو پێک دھاتن ژ یاریا مسرێ و ئوردن ل سەر ئاستێ تیمێن پێشکەفتیێن کور، ھەروەسا یاریا دوماھیێ یا تازەپێگەھشتیێن ھەلبژارتیێن تونس و قەتەر، هەروەسا یاریا دوماھیێ یا پێگەھشتیێن سووریا و مسرێ ژی برێڤەبرن، بەری یاریا دووماھیێ یا ھەلبژارتیێ قەتەر و بەحرەین برێڤە ببەت ئەوا ھەڤرکیێن وێ ب رەنگێ جوت دھاتە کرن و دوماھیک یاریا دادڤانێ نێڤدەولەتی یێ دھۆکێ دقارەمانیا وەلاتێن عەرەبی دا برێڤەبری یاریا خانمێن ھەلبژارتیێ مسرێ بۆ لگەل خانمێن ھەلبژارتیێ ئوردن.
رێگرێ دادڤانێ نێڤدەولەتی شیا ئەڤان ھەر پێنچ یاریێن دووماھیا قارەمانیێ بسەرکەفتیانە برێڤە ببەت وببیتە ئێکەم کورد بشێت پێنچ یاریێن دووماھیا قارەمانیەکێ برێڤە ببەت و ھەروەسا شیا باوەریا ئێکەتیا تەپا سەر مێزێ یا وەلاتێن عەرەبی بدەستخوڤە بینیت کو رولێ وی بەرز بھێتە نرخاندن بو قارەمانیێن بھێت ژی پشکداریێ بکەت.
رێگر ئەحمەد بو دەمێ 13 سالە دادڤانیا یاریا تەپا سەر مێزێ دکەت و چەندین باوەرنامە د ئەڤی بواری دا بدەست خۆڤە ئیناینە وەک باوەرناما نێڤدەولەتی یا دادڤانیا یاریا تەپا سەر مێزێ و بەکەلوریوس ب زانستێن وەرزشی ژی هەیە.
و ھەردیسان پشکداری د چەندین قارەمانیان دا کریە و بسەرکەفتیانە برێڤە برینە وەک قارەمانیا يانەيێن عەرەبى و دو جاران كوپا عەرەبی و دو جاران ژی قارەمانیێن نێڤدەولەتی و جارا سیێ یێ یە پشکداریێ د قارەمانیا وەلاتێن عەرەبی دا دکەت.
Comments are closed, but trackbacks and pingbacks are open.