دەزگەهێ مێدیایێ زێ بادینان :
ئەدھەم بارزانی دپەیامەکێدا ل پەیجێ خۆیێ تایبەت ل تۆڕا جڤاکیا فەیسبوکی بۆچوونا خۆ دەربڕیە و راگەھاندیە : درۆژێن بوریدا و ھەتا نوکە ژی ب بەردەوامی گەلەک ژ خۆشک و برایێن من ل سەرانسەرێ کوردستانێ و دەرڤەی وەڵاتی ژی داخواز ژ من کرینە کو ڕەئیا خۆ دەربارێ ھەلبژارتنێن جڤاتا نیشتمانیا عیراقێ رابگەھینم .
ئەدھەم بارزانی گوت ژی: ب ئاشکرایی بۆچوونا من لدور ڤی بابەتی ئەوە کو دڤێت ھەمی لایەک ئازاد بن ژ دەربڕینا ھزر و بیرێن خۆ و ئازاد بن د دەنگدانێدا , ئەوا کو پەیوەندی ب ڕەئیا تایبەتا منڤە ھەبیت ئەوە کو دڤان ھەلبژارتنێن پەرلەمانێ عیراقێدا من بێدەنگی ھەلبژارتیە دگەل رێز و حورمەتێن من بۆ ھەمیان .
ھەژی گوتنێ یە ئەدھەم بارزانی دماوێ بوریدا خۆ ژناڤ رێزێن پارتی دیموکراتی کوردستان ڤەکێشا و سەرەدانا ئیرانێ کر , پشتی مانا وی بۆ ماوێ چەند رۆژان ل ئیرانێ ڤەگەڕیاڤە کوردستانێ , رۆژانەژی وەکو ئێک ژ کەسایەتیێن سەربەخۆ و دیارێن دەڤەرا بارزان پێشوازیێ ل ھەوادار و لایەنگرێن خۆ دکەت و ھژمارەکا ئێکجار زۆرا لایەنگر و ھەواداران ھەیە و بێگۆمان بۆچوونا وی دێ کاریگەری ل سەر بۆچوونا ھەوادارێن وی ھەبیت دڤان ھەلبژارتناندا .
Comments are closed, but trackbacks and pingbacks are open.