ئەرێ ب لادانا سیستەمێ هەڤسەرۆکی و لاهور ، پاڤێل دێ بیتە سەروکەکێ پاک و دلسوز؟

ئەرێ ب لادانا سیستەمێ هەڤسەرۆکی و لاهور ، پاڤێل دێ بیتە سەروکەکێ پاک و دلسوز؟

نازی محەمەد شەریف

پرسا گرنگ د ڤێ گێلەشوکا هەڤسەروکادا و لادانا لاهور ژ دەستهەلاتێ، ئەرێ پاڤێل دێ ئێکەتیێ قورتال کەت ژ خائین و خاک فروشا، ئەرێ پاڤێل وەکی ئیک ژ وان ٣٨ سەرکردێن خەیانەتا ١٦ی ئوکتوبەرێ ئەنجامدایی دێ تەوبە کەت و دێ بیتە سەروکەکێ پاک و دلسوز، ئەرێ پاڤیل دێ ئێکەتیێ پابەندی بریارێن حکومەتێ کەت.

براستی ئەڤە هندەک پرسێن گرنگن و دەلیڤەکا زێرینە لبەر دەستێ پاڤێل کو نها پشتی لادانا لاهور ژ دەستهەلاتێ و پەراوێزکرنا سەرکردێن کەڤن و کونترولکرنا هەمی ناڤەندێن دەستهەلاتێ یێن حکومی و حزبی و لەشکری و ئەمنی، ئانکو کونترولکرنا ئیدارا سلێمانیێ ب تمامی و نەبوونا ئوپوسسیونەکا بهێز ژ ئالێ پارتێن دیترڤە ل سلیمانیێ و نەمانا هیچ ئاستەنگەکێ . ئەڤە باشترین دەلیڤەیە بۆ پاڤێل وەک میراتگرێ جەلال و بەرپرسێ ئێکێ یێ زونا سەوز کو بکاریت بۆ ئێکەم جار ددیروکا ئێکەتێدا بەرپەرەکێ نوی ڤەکەت و سلیمانیێ بێخیتە سەر رێکا راست و کوردایەتیێ و وێ ناسناما خۆ فرۆشی و ولات فرۆشیێ ژ ئێکەتیێ ڤەکەت و پرت پرت بکەت و بەرپەرەکێ نوی ڤەکەت یێ ولات پەروەريێ و دیرۆکەکێ بۆ خۆ و مالباتا خۆ ئاڤا بکەت. بتایبەتی وێ خالا رەش یا بنەمالا جەنگی بو ئێکەتیێ چێکری ژ ئەنجامێ خیانەتا ١٦ ی ئوکتوبەر و لامەرکەزیا سلیمانیێ و لاوازکرنا هەرێمێ برێکا رادەست نەکرنا پارێ سلیمانیێ بۆ حکومەتا هەرێمێ و کارکرن دگەل دوژمنێن کوردا ژبۆ نەهێلانا قەوارێ هەرێما کوردستانێ.
ئەڤرۆ خەلکێ کوردستانێ بگشتی ژ پاڤێل ڤێ ئێکێ دخازن و دشیاندایە ژی بکەت و بڤێ رێکێ دکاریت ئێکەتیێ زندی بکەتەڤە و پاقژ بکەت ژ خۆفرشێن مینا بنەمالا جەنگی.
هەروەسا مفای ژ ناڤێ جلال تالەبانی وەک سەرۆکەکێ بێ هەڤرک ل زونا سەوز کو زۆر جەماوەر و مریدێن هەی و نها ژی شەیدایێن رێبازا وینە و سەربوورێن ڤان سی سالێن حوکمرانیێ ل کوردستانێ ئەڤ ئێکە سەلماندینە کو خەلکێ مە ب روشەنبیر و ئاکادیمی و سیاسیەڤە نکارینە خۆ ژ ئەقلێ دەستهەلاتا بنەمالی قورتال بکەن، ئەڤەژی خالەکا بهێزە ژ بۆ پاڤێل وەک میراتگرێ بنەمالا جەلال کو زێدەتر مفای ژ ڤێ دەلیڤێ وەربگریت و دەستهەلاتا خۆ بەرفرە و خورت تر بکەت، هەروەسا کار بکەت ژبۆ چەسپاندنا یاسایێ ل ئیدارا سلێمانیێ.
هەروەسا مفای و سەربورا ژ خەبات و کەلتورێ سیاسیێ یێ بابێ خۆ وەرگریت کو پشتی چەندین سالێن هەڤرکیێ دگەل پارتی و مالا بارزان، د ئەنجامدا گەهشتە وی ئەنجامی کو بتنێ ب ل هەڤکرن و ئاشتیا دناڤبەرا پارتی و ئێکەتیێ دکارن ولاتی ئاڤاکەن و پێشڤەببەن و هەر کارەکێ باش هاتبیتە کرن ژی لسەر دەستێ ڤان دوو پارتا، ب تەبایی هاتیەکرن.
هەروەسا هەمی ئیماژە بەرف وێ دجن کو سیستەمێ دوو حزبی باشترین سیستەمە ژبۆ هەرێما کوردستانێ، لەورا یا فەرە هەردوو پارتێن دەستهەلادار ڤێ راستیێ قەبول بکەن کو چ ژ هەردوو پارتا نکاریت پارتا دیتر ژناڤ بەت و تەنها رێک ئەوە کو هەردوو هەڤدوو قەبول بکەن.
ئەڤرۆ پرانیا ولاتێن پێشکەفتی سیستەمێ دوو حزبی یێ زالە مینا ئەمریکا و بریتانیا و …کو ئەڤە ئیماژەیە بۆ وێ ئێکێ سیستەمێ دوو حزبی سیستەمەکێ سەرکەفتیە بۆ حوکمرانيێ.