- نازی مەحەمەدشەریف ( چێ ) ی
لاهور و ئالا هەردوو ئەو کەساتی بین کو سەرکردایەتیا ئێکەتی و بتایبەت باڤل تالەبانی گەشتبینە وێ باوەریێ کو ژبەر کارو کریارێن ئەو ئەنجامددەن نها جهێ وان دناڤا ئێکەتیێدا نەمایە و پێدڤیە بهێنە دەرئێخستن، و دئەنجامدا ژی هاتنە دەرئێخستن و دبەرسڤەکا رۆژنامەڤانیدا باڤل دبێژیت ئیک ملیون سالیت دیتر نازڤریت.
پسیار ئەڤەیە ئەرێ ئەو ج تشت بوونە ئەگەر کو باڤل جارەکا دی پشتی وان ئاخڤتن و کریارێن دژوار بدژی وی جارەک دبزڤرینیتە دناڤا ئێکەتیێ.
١- رەنگە باڤل وەسا هزر بکە بهاتنا لاهور دێ دربەکا کوژەک ل پارتی دەت و بیتە ئەگەرئ لاوازیا پارتی کو ئەڤە ژی دویرە ژ ئەقل و مەنتقی، چونکی ئەو لاهور هەر ناڤ ئێکەتی و ب هەمی دەستهەلاڤە و نکاری دژی پارتی ج بکەت.
٢- خالەکا دیتر هەبوونا لاهور دناڤا ئێکەتیدا هەم بۆ باڤل و هەتا بۆ لاهور ژی دێ یا ب قەلەق و دوو دلی بیت، چونکی ژبەر وان کریاراین هەردووکا لبەرامبەری هەڤدوو ئەنجامدای چ دیتر نکارن وەکی پێدڤی پێکڤە کار بکەن ژبەر نە بوونا باوەریا تمام.
٣- خالەکا دی یا زورا گرنگ د هەر رێکخستن و پارتەکا سیاسیدا ب تایبەت د ولاتێن پاشکەفتی و نە دیموکراسیدا هەبووبا سەرکردەکێ کاریزماتیک زۆرا گرنگە و هەبوونا سەرکردایەتیەکا ئیکگرتی و بهێز، لەورا ئێکەتیێ نها ئەو سەرکردێ کاریزماتیک نینە کو بکاریت کارتێکرنێ ل بەرپرس و جەماوەرێ ئێکەتیێ بکەت و بەرەڤ پێشڤەببەت، لەورا ژبەر نەبوونا سەرکردەکێ کاریزماتیک ئێکەتی ژبو هندێ جەماوەرێ خۆ ژ دەست نەدەت، پەنایێ دبەتە بەر گەرم و گور کرنا دژاتیا پارتی و ئازراندنا جەماوورێ خو و ڤەشارتنا هەموو کێماسیێن خۆ بڤی رێکێ.
٤- سیاسەت ب کەرب و کینێ ناهێتەکرن.خالەکا دیتر یا گرنگ زڤرینا لاهورە بۆ ناڤ ئێکەتیێ لسەر بنەمایێ دژاتیا پارتی، ئەرێ سەرکردەکێ کو یێ گونەهبار بیت ب ژەهرخارکرنا سەرکردێن ئێکەتیێ، دئ چ کەت بۆ ئێکەتیێ و هەتا ج ئاست دێ بیتە جهێ باوەرێ بۆ ئێکەتێ، هەبووبا دوو سەرکردا د گوپیتکا دەستهەلاتێدا کو هیچ جهێ باوەریێ نەبن بۆ هەڤدوو دێ ئێکەتیێ بەرەف ئاقارەکێ لاواز و نەدیار بەت.
٥- دنها دا باس ل هندێ دهێتە کرن کو لاهور و ئالا تالەبانی دێ کار کەن ژبۆ سەرکەفتنا بەرهەم سالح، ئەوژی لسەر وێ خیالا کو سالا ٢٠١٨ ڤان هەردوویان رولەکێ گرنگ هەبویە د سەرئێخستنا بەرهەم سالح. براستی ئەڤە نە بیر کرنەڤەکا لوژیکی و واقعیە ، چونکی ئەڤ تەنگاڤیا ڤێ جارێ ئێکەتی ڤەگرتی نە لاهور و ئالا تالبانی دکارن قورتال بکەن و نە ئیران و هەڤبەندێن وان ل ئیراقێ. ئەڤەژی ڤەدگەریت بۆ وێ رێکەفتنا کونکریتی یا پارتی و سەدری و سنی کو پرانیا دەنگێن پەرلەمانی گرنتی کرنە و هەمی ئیماژە وێ ئێکێ خویا دکەن کو سەروک کومار کو پشکا کوردایە، بێی پارتی و بارزانی سەرناکەڤیت.
لەورا ئەز باوەرم کو هاتنا لاهور ناڤ ئێکەتیێ دەردێ ئێکەتیێ دەرمان ناکەت بەلکو بەرۆڤاژی ل پاشەرۆژێدا دێ ئاریشێن ئێکەتی مەزتر و بەرفرە تر لێ هێن ب هاتنا لاهور بۆ ناڤ ئێکەتی، چونکی هیچ ئەقل و لوژیکەک ڤێ قەبول ناکەت کو لاهورێ دگوپیتکا دەستهەلاتێ و کەسێ یێکێ نها بکێمێ رازی بیت و دەس ژ پلانگیریێ بەردەت ژبۆ هندێ جارەک دیتر بگەهیتە گوپیتکا دەستهلاتێ و بەرامبەردا ژی باڤل نکاریت وان کارو کریاریت لاهور ژبیر بکەت و ئەڤە ژی دئ بیتە سەدەما وێ کو رێگربیت ژ گەهشتنا لاهور بۆ گوبیتکا دەستهەلاتێ.
٣١/١٢٠٢٢
- دکاری هەموو بابەتێن خۆ ببینی ….
Comments are closed, but trackbacks and pingbacks are open.