سەلاح سندی/ زاخۆ
گوتنا بارزانییێ نەمر “ گەنج شوویرها پیلاینە “ ئەو گوتنەیە یا کو ل گەلەك کومبوون، سمینار و دیدارێن تیڤییان دا دئێتە گوتن و دووبارەکرن و بەحسێ هێزا وان دئێتەکرن، و مرۆڤ هزردکت کو فوکسەکا هەری باش لسەر گەنجان هەیە و مفایەکێ باش ژ شیانێن وان دئێتە وەرگرتن، لێ د ڕاستیدا هیچ ڕاستییەک بۆ نینە و تا نها وەکو پێدڤی مفا ژ شیانێن گەنجان نەهاتییە دیتن و باشترین گرۆڤە کۆچکرن و چوونا هژمارا هەری زێدە یا گەنجانە بۆ دەرڤەی وەڵاتی و ئەڤ ئێکە ژی دبتە ئەگەرێ مرن و نەهێلانا شیانێن وان و بەلکی ژی ئەو وەڵات و جهێ د چنێ و لێ ئاکنجی دبن ژێ مفادار دبن و ئەوێن مایی ژی ژبەر نەبوون و پەیدانەکرنا دەلیڤەیێن کاری بێ شیان ماینە و شەڤ و ڕۆژ لێک گۆهارتینە کو ب شەڤ هشیار و ب ڕۆژ د خەو، و هەگەر ئاوریەکێ ل دانعەمر و کەسێن بسپۆر و خودان سەربۆڕ بدین دێ خوەیابت کو ب هەمان ڕەنگێ گەنجان ئەو ژی هاتینە پشتگوهڤە هاڤێتن و مفا ژ زانین و سەربۆڕێن وان یێن پڕی ئەڤرازی و نشیڤییێن ژیانێ نەهاتینە وەرگرتن و ئەڤرۆکە هزر، شیان و پڕۆژەیێن وان یێن ( کشتۆکالی، پیشەسازی، بیناسازی و هتد ) د سەرێن وان دا کویفکۆیی ماینە، لەوڕا فەرە جهێن کاربدەست پینجەکی ژ بن ئاشێ خوە بکێشن و ژ کورسیکا بەکاربەرییێ/ خەرجییێ بێنە خوار و ئاورییەکێ ل شیان، هزر و سەربۆڕێن دانعەمران بدن و ب پەیداکرنا دەلیڤەیێن کاری ڕێ لبەر کوچکرن و چوونا گەنجان بۆ دەرڤەی وەڵاتی بگرن و هێزا گەنجان د قازانجا وەڵاتی دا بدن کاری.
Comments are closed, but trackbacks and pingbacks are open.