ل شەڤا دەربازبوویی بیڤەلەرزەكێ بهێزا 6,1 پلە ویلایەتا بەكتیكا یا ئەفغانستانێ ڤەگرت و دئەنجامدا زێدەتر ژ 250 كەسا گیانێ خۆ ژدەستدا و زێ دەتر ژ 200 كەسێن دی بریندار بوون و ب سەدان خانی و ئاڤاهی وێران بوویینە.
د تویتەكێدا بیلال كەریمی، پەیڤدارێ بناڤێ حكومەتا ئەفغانستان ڕاگەهاند، بیڤەلەرزا شەڤا دەربازبوویی زۆر یا بهێز بوو، چوار دەڤەر دسنوورێ ویلایەتا بەكتیكادا ڤەگرتیە، دئەنجامدا ب سەدان كەسا گیانێ خۆ ژدەستدایە و ب سەدان كەسێن دی بریندارن و هەتا نوكە ناهێتە زانین چەند كەس مایینە لژێر هەڕفتێن خانی و ئاڤاهیان، و كەریمی داخواز ژ ئاژانسێن دهەورچوونێ یێن جیهانی كر تیمێن خۆ ڕەوانەی دەڤەرا ڕوودانێ بكەن بۆ هاریكارییا خەلكێ لێقەومای.
ئاژانسێن دەنگوباسان دبێژن، بیڤەلەرز ب دووراتییا 44 كیلۆمەتران ژ باژاڕێ خوست ل باشوورێ ڕۆژهەلاتێ ئەفغانستان ڕوودا، و ل كابۆڵا پایتەخت و ئیسلام ئاباد پایتەختێ پاكستان هەست ب ڕوودانا بیڤەلەرزێ هاتییەكرن.
Comments are closed, but trackbacks and pingbacks are open.